Belgili saıasattanýshylar men qoǵam belsendileri Astanadaǵy iri shendilerdiń jappaı ustalyp jatqanyn talqylaýda, dep jazady Qamshy.kz aqparat agenttigi. 

Biraq naqty resmı málimetter joq. "Jel soqpasa, shóptiń basy qımyldamaıtynyn" eskersek, qoǵam belsendileriniń jelidegi jazbalarynan kópti eleń etkizer oqıǵalardyń shetin kórýge bolady. 

"Resmı emes málimetter boıynsha Astanada respýblıkalyq deńgeıdegi birqatar joǵary shendiler jappaı tutqyndalyp jatyr. Keıbir mınıstrler óz erkimen laýazymdaryn bosatýǵa daıyndalyp otyrǵany da jasyryn emes. Alaıda Prezıdent jumys babymen Qytaıǵa ushyp ketti. Biraq ol buıryqtarǵa elde júrgen kezinde qol qoıýy múmkin. Naqty aqparattar keıinirek belgili bolady", - dedi saıasattanýshy Talǵat Qalıev óziniń Telegram paraqshasynda. 

Sonymen qatar eks-dıplomat, bloger Qazbek Beısebaev: "Búgin kvazımemlekettik sektordyń iri kóshbasshylary ustaldy degen sybys shyqty. Olardyń qatarynda kompanıalar men holdıńter, memleketke qatysty túrli kompanıalar men kásiporyndar bar. Bul jerde týyndaıtyn jalǵyz suraq bar: bul sybaılas jemqorlyqpen naqty kúres pe, álde eldegi túrli kúshter arasyndaǵy tartystyń bastalǵany ma?" - dep jazdy Facebook-ta.