Reseıdiń «Bránskıı broıler», «Injavınskaıa ptısefabrıka», «Prıoskole» jáne «Chebarkýlskaıa ptısa» dep atalatyn qus fabrıkalarynyń ónimderinen kolıform bakterıasyn (bul bakterıalar ishekte kezdesetin qurt taıaqshasy tobyn týǵyzady) tapqan.

Reseıdiń sonymen birge shujyq shyǵaratyn «Sarısyno» kompanıasyna da tyıym salynǵan. Málimetke qaraǵanda, qus etinen jasalǵan shujyqtyń quramynan shoshqanyń DNK-sy tabylǵan.

Bul zań buzýshylyqtardy dereý joıý úshin Reseıdiń tıisti organdaryna resmı hat jazyldy dep atap ótken Qazaqstannyń aýyl sharýashylyǵy mınıstrligi.

Alaıda Máskeýden buǵan jaýap retinde Qazaqstannyń úsh kásiporynnyń sút ónimderin ımporttaýǵa shekteý qoıylady degen habarlama alǵan. Rosselhoznadzor 1 shildeden bastap qazaqstandyq «Taıynsha-Astyq», «Dep» jáne «Sút ónimderi» kompanıasynyń ónimderine tyıym salýǵa májbúrmiz dep málimdegen. Máskeý onyń sebebin ımporttaýda alaıaqtyq oryn alǵan-mys dep túsindirgen.

Reseı men Qazaqstan Eýrazıalyq ekonomıkalyq odaqqa múshe. Mundaǵy maqsat erkin taýar aınalymyn júrgizetin ortaq naryq qalyptastyrý.