2018 jylǵy 11-12 maýsymda Tashkentte QR Din isteri jáne azamattyq qoǵam vıse-mınıstri Abzal Núkenov «Ekstremızmge kúshteý jáne terorızmge ákeletin radıkaldaýǵa qarsy is-qımyl jáne aldyn alýda jastardyń róli týraly» taqyrybynda ótken halyqaralyq konferensıanyń jumysyna qatysty.
Konferensıany Ózbekstandaǵy EQYU Jobalarynyń úılestirýshisi, Ózbekstan Respýblıkasy Olıı Májilisiniń Senaty jáne Birikken Ulttar Uıymy uıymdastyrdy.
Eki kúndik konferensıa ekstremızmge kúshteý jáne radıkaldanýdy boldyrmaý úshin jastardy tartý qajettigi týraly habardarlyǵyn arttyrý jáne saıası usynymdaryn ázirleýge baǵyttalady.
Konferensıaǵa halyqaralyq uıymdardyń basshylary, Ortalyq Azıa elderiniń memlekettik organdarynyń jáne ÚEU ókilderi, sarapshylar qatysty.
Vıse-mınıstr Abzal Núkenov «Ekstremızmge jáne terorızmge kúshteýge qarsy is-qımyldaǵy memleket pen azamattyq qoǵamnyń yntymaqtastyǵy» paneldik sesıasynda sóz sóıledi jáne memleket pen dinniń ózara is-qımylynyń ózindik modelin qalyptastyrý boıynsha, Qazaqstandaǵy jastardyń damýy men áleýmettenýine jaǵdaı jasaý úshin júrgizilip jatqan jumys týraly aıtty.
«Biz jastardy jan-jaqty damýyna qolaıly jaǵdaı jasaýymyz qajet. Bizdiń maqsatymyz – jastardy qoljetimdi bilimmen, jumyspen, sapaly bos ýaqyttaryn sapaly ótkizýdi qamtamasyz etý. Osy baǵytta tıisti keshendi jumys júrgizilýde», - dedi A. Núkenov.
Vıse-mınıstr Ortalyq Azıa elderi jastarynyń keńesin qurý múmkindigin qarastyrýdy usyndy.
«Qazirgi tańda Ortalyq Azıa keńistiginde yntymaqtastyqty damytý jáne ortaq máseleler boıynsha birigip sheshim qabyldaýǵa jańa múmkindikter ashylýda. Jumysty júıeli júrgizýdiń tıimdi mehanızmderiniń biri retinde áriptesterge ártúrli sala ókilderinen quralatyn jastardy qamtıtyn Ortaazıalyq aımaq elderiniń Jastar keńesin qurý múmkindigin qarastyrýdy usynamyz. Keńes aıasynda biz ózekti máselelerdi, onyń ishinde ekstremızmniń jáne terorızmniń aldyn alý máselelerin talqylaı alatyn edik», - dedi vıse-mınıstr.
Qatysýshylar jastar arasynda ekstremızmge jáne terorızmge ákeletin radıkaldanýdyń aldyn alý jáne oǵan qarsy is-qımyl boıynsha keshendi tásilderdi talqylap, dinı radıkalızmge qarsy kúreste jastardyń áleýetin tıimdi paıdalaný jóninde Ortalyq Azıa elderine arnalǵan usynymdar ázirledi.
Sonymen qatar, konferensıa barysynda Ózbekstan Respýblıkasy Olıı Májilisiniń senaty tóraǵasynyń orynbasary Sadyk Safaev, EQYU Bas hatshysy Tomas Gremınger, BUU Bas hatshysynyń jastar isi jónindegi ýákili Djaıatma Vıkramanaıake, BUU Kontrterrorıstik basqarma dırektory Jehangır Han, EO-nyń Ortalyq Azıa boıynsha arnaıy ókili Pıter Býrıan, Ózbekstan Respýblıkasy Prezıdentiniń jastar isi jónindegi memlekettik keńesshisi, Ózbekstan jastarynyń odaǵy Ortalyq keńesiniń tóraǵasy Kahramon Kýranbaev sóz sóıledi.
