Almaty oblysynda 111 jasaǵy zeınetker 80 jyldan beri qujatsyz ómir súrip jatyr. Iýrıı Repın tólqujatyn 1933 jyly joǵaltyp alǵan. Qujattaryn qaıta jasatý úshin barmaǵan jeri joq kórinedi, biraq  nátıje bolmaǵan.

Bul jaıynda Astana TV habarlady.

— Men Vladıvostoktan 1933 jyly osynda kele jattym. Meniń qujattarymdy alyp qoıdy. Áskerı bıletim de, qujatym da solarda ketti. Men qazir zeınetaqy almaımyn, - deıdi Iýrıı Repın.

Qazir zeınetker azamattyq nekedegi áıeliniń zeınetaqysyna ómir súrip otyr. Aıyna – 30 myń teńge. 25 myńyn páterge tóleıtin kórinedi.

Iýrıı Repınniń aıtýynsha, ol jyldar boıy qujattaryn jasatqysy kelgen. Oǵan tipti eriktiler de kómektesken eken. Alaıda, nátıje bolmaǵan.

Aýdan ákimdigindegiler zeınetkerdiń jaǵdaıymen tanys ekenderin aıtqan.

— Aldaǵy ýaqytta qujattary jasalady, - deıdi sheneýnikter.