Búgin Almaty qalasy Ǵylym ordasynda «Sybaılas jemqorlyqqa qarsy qoǵamdyq sananyń qalyptasýyndaǵy azamattyq sektordyń róli» taqyrybynda Azamattyq bastamalardyń sezi bolyp ótti, dep habarlaıdy Qamshy.kz aqparat agenttigi.

«Sybaılas jemqorlyqqa qarsy qoǵamdyq sananyń qalyptasýyndaǵy azamattyq sektordyń róli» taqyrybynda ótken sharaǵa Qoǵamdyq keńestiń músheleri, QR memlekettik qyzmet isteri jáne sybaılas jemqorlyqqa qarsy is-qımyl agenttiginiń ókilderi, arnaıy monıtorıńtik toptar men qoǵamdyq qorlardyń músheleri qatysty.

Atalmysh sharada jemqorlyqqa qarsy kúres sharalary Agenttiktiń aıryqsha qyzmetiniń biri bolyp tabylatynyn atap ótti. Búgingi tańda mundaı is-sharalarǵa barlyq múddeli memlekettik organdardy, kvazımemlekettik sektor, bıznes-qaýymdastyq jáne azamattyq ınstıtýttardy jumyldyrý boıynsha júıeli jumystar júrgizilýde.

«Sybaılas jemqorlyqqa qarsy qoǵamdyq sananyń qalyptasýyndaǵy azamattyq sektordyq róli» taqyrybynda búgin Azamattyq bastamalardyń sez ótip jatyr. Almaty qalasynda bul shara birinshi ret uıymdastyrylyp otyr. Negizi, respýblıkalyq deńgeıde byltyrdan bastap qolǵa alynǵan bolatyn, bıyl 14 naýryzda ekinshi kongres Astana qalasynda ótti. Almaty bolsa úlken qala, bul jerde qoǵam óte jaqsy damyǵan, sondyqtan da biz Almaty qalasynda da dál osyndaı sıezi ótkizýge sheshim shyǵardyq.

Búgin Almatyda ótip jatqan kongreske Astana qalasy boıynsha agenttiktiń departament dırektory, sonymen qatar, agenttiktiń janyndaǵy arnaıy monıtorıńtik toptyń tóraıymy qatysyp otyr. Búgingi kongreste biz qoǵam tek memlekettik organdarǵa ǵana qarap otyrmaı, ózderi bastamshylyqty qoldaryna alyp, sybaılas jemqorlyqqa qarsy jumys jasaýy kerek», - dep aıtyp ótti Almaty qalasy boıynsha Memlekettik qyzmetter jáne sybaılas jemqorlyqqa qarsy Departament basshysy Aıgúl Baıhanova.

Onyń aıtýynsha, mundaı sharalar elimizdiń Qyzylorda, Taraz jáne Qostanaı qalalarynda da ótkizilgen. Departament basshysy osy mazmundaǵy sharalardy jyl saıyn ótkizý josparda ekenin de atap ótti.

«Búginde sybaılas jemqorlyqtyń aldyn alýda qoǵamnyń rólin kúsheıtýge jáne  sybaılas  jáne jemqorlyqqa qarsy mádenıetti qalyptastyrýǵa úlken mán berip otyr. 2017 jáne 2018 jyldary uıymdastyrylǵan azamattyq bastamalardyń sıezeri jemisti progrestiń jarqyn úlgisi bola alady. Onyń jumysyna azamattyq sektordyń barlyq deńgeıleri men kategorıalary, sonymen qatar, aýyldyq jáne respýblıkalyq deńgeılerdiń ár túrli sanattary qatysady. Bul máselege beıjaı qaramaıtyn azamattar ózderiniń bastamasymen qoǵamdaǵy problemalardy joıýǵa kómektesedi jáne óz sheshimderin usynyp, halyqtyń quqyqtyq saýattylyǵyn arttyrady», - deıdi QR Memlekettik ister jáne jemqorlyqqa qarsy agenttiktiń Qoǵammen baılanys Departamentiniń dırektory Arman Berdalın.