Almaty qalasy Tilderdi damytý basqarmasy 2018 jyly 8 maýsym kúni Almaty qalasy, M.Áýezov atyndaǵy №128 jalpy bilim beretin mekteptiń májilis zaly ǵımaratynda «Qazaqstan Respýblıkasynda tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasy» aıasynda orys jastary arasynda memlekettik tildiń qoldanys aıasyn arttyrý maqsatynda orys tilin jetik meńgergen qazaq jastarynyń «Oı-sana» qalalyq baıqaýyn  ótkizdi. Baıqaýdyń maqsaty: orys tilin jetik meńgergen qazaq jastary arasynda memlekettik tildiń qoldanys aıasyn keńeıtý, memlekettik tildi qoldaný mártebesin arttyrý boldy.

Baıqaý 4 kezeńnen turdy:

İ. «Bilim bederi» – orys tiliniń leksıkasy men gramatıkasyna arnalǵan 60 test tapsyrmasyn oryndaý (40 mınýt).

İİ. «Qalam qarymy» – usynylǵan úsh taqyryptyń birine esse jazý. Kólemi: 1,5-3 bet (30 mınýt).

İİİ. «Oıtalqy» – uıashyq ashý arqyly tańdalǵan tapsyrmany aýyzsha baıandaý (sýretti sıpattaý nemese berilgen aqparatty paıdalanyp shaǵyn áńgime qurý, 3-5 mınýt).

İV. «Shabyt shyńy» – óz tańdaýy boıynsha orys tilinde án oryndaý nemese kórkem shyǵarma úzindisinen teatrlandyrylǵan qoıylym kórsetý (3-5 mınýt). Osy kezeńder boıynsha tómendegideı jeńimpazdar anyqtaldy.

Qazylar alqasynyń sheshimimen baıqaý jeńimpazdary anyqtaldy:

Bas júlde – Mýhamedjan Nadıra

İ oryn – Jankabaeva Alfıa

İİ oryn – Emeshev Adıl

İİİ oryn – Mýrathanova Alýa

Baıqaý sharttary boıynsha «Sóz zergeri» jáne «Óner aldy» degen eki nomınasıa belgilengen bolatyn. Ony Ýshýrbakıev Ilshat men Tólebaeva Ádına ıelendi. Al, Álıqulova Medına pen Mútalipov Jalǵas yntalandyrý syılyqtary berildi. Bas júldeni ıelengen Muhamedjan Nádıra Astana qalasynda ótetin respýblıkalyq baıqaýǵa qatysyp Almatynyń namysyn qorǵaıtyn bolady.