Bir ǵasyrǵa jýyq tarıhy bar Almaty qalasynyń  Memlekettik qýyrshaq teatry  jas urpaqty izgilik ıdeıalaryna tárbıeleý jolynda eńbek etip, dástúrli qýyrshaq ónerin jańǵyrtyp júrgen úlken óner ordalarynyń biri. Nebir sahna sańlaqtyrynyń talaı jyldar boıy eńbek etip, tabany tıgen bul teatr óskeleń urpaqqa ulttyq qundylyqtarymyz ben adamgershilik qaǵıdalardy boıyna sińirip, búginde teatr qýyrshaq teatrynyń qara shańyraǵy bolyp esepteledi.

Maýsym aıynan bastap Qýyrshaq teatry repertýaryndaǵy kórermenniń ystyq yqylasyna bólenip júrgen qoıylymdaryn teatrdan tys Almaty haıýanattar baǵynda da sahnalaıtyn bolady. Shara maqsaty – balalardyń ónerge degen mahabbatyn arttyra otyryp bolashaqqa degen alǵashqy mádenı baspaldaqtaryn qalaý. Atalmysh shara aıasynda Memlekettik qýyrshaq teatry maýsym aıynda «Qýyrshaq dýman» (avt. rej. S.Shúkirov, Q.Eshmuratova), «Arystannyń úreıin qalaı emdeımiz?» (avt.M.Dlgacheva, rej.K.Andreeva), «Úsh toraı» (avt. S.Mıhalkov, rej. S.Maqulbekov), «Qańbaq shal» (rej. Q.Eshmuratova) syndy qoıylymdaryn ónersúıer jandardyń nazaryna usynbaq. Qoıylymdar kúnine eki márte, ıaǵnı saǵat 15:00- de, 17:00-de ótettin bolady.

Memlekettik qýyrshaq teatry Almaty qalasynynyń turǵyndary men qala qonaqtaryna óziniń tańdaýly qoıylymdaryn usynyp, rýhanı azyq syılap, kóńil perdesin ádemi kúıge bóleıtin qoıylymdardy Almaty haıýanattar baǵynda birge tamashalaýǵa shaqyrady!