Almatyda Total Enerdjı Jazǵy mektebi ótip jatyr. Mektep Ál-Farabı atyndaǵy Qazaq ulttyq ýnıversıtetindegi «Geo-energetıka» ǵylymı zertteý ortalyǵynyń bazasynda uıymdastyrylǵan.
Jazǵy mekteptiń basty mindeti – stýdentterdiń teorıalyq bilimderi men praktıkalyq daǵdylaryn nyǵaıtyp, sondaı-aq, Qazaqstan men Fransıa arasyndaǵy bilim berý salasyndaǵy halyqaralyq yntymaqtastyqty damytý. Dáristerdi Total kompanıasynyń sarapshylary kásibı saraptama júrgizý jáne praktıkadan alynǵan naqty mysaldardy zertteý negizinde daıyndady.
«Tolyǵymen «Total» kompanıasynyń bastamasy bolyp tabylatyn bul jazǵy mektep alǵash ret ótkizilip otyr. «Total» - jas talanttardy qoldaý jáne jergilikti kadrlardy damytý jóninde mindettemesi bar Qazaqstanda 25 jyl boıy qyzmet etip kele jatqan jaýapkershiligi joǵary munaı-gaz kompanıasy, - dep atap ótti Qazaqstandaǵy Total konserniniń basshysy Paskal Brean. – Sondyqtan da yntymaqtastyǵymyzdy eń bedeldi joǵarǵy oqý oryndarynyń biri – QazUÝ-degi «Geo-energetıka» ortalyǵymen bastaýdy jón kórdik. Jazǵy mektep jyl saıyn uıymdastyrylatyn jobaǵa aınalady dep josparlap otyrmyz, sondaı-aq, ony Almatyda ǵana emes, sonymen birge, búkil Qazaqstannyń stýdentteri oǵan qatysa alýy úshin Astanada jáne basqa da qalalarda ótkizgimiz keledi».
Qazirdiń ózinde mektepte QazUÝ stýdentteri ǵana emes, sonymen birge, Polıtehnıkalyq ýnıversıtettiń, Zań ýnıversıtetiniń, Kaspıı ýnıversıtetiniń, QBTÝ stýdentteri oqyp jatyr. Jazǵy mekteptiń baǵdarlamasy munaı kenoryndaryn ıgerý jáne paıdalaný, munaıdy tasymaldaýymen baılanysty máselelerdi ǵana emes, sonymen birge, halyqaralyq quqyqtyń tolyqtyrmalylyǵy, menedjment, halyqaralyq qatynastar syndy eldiń damýyna járdemdesip, sheteldik kompanıalarǵa Qazaqstanda jumys jasaýǵa múmkindik beretin gýmanıtarlyq máselelerdi qamtıtyndaı etip daıyndalǵan.
11-15 maýsym kúnderi aralyǵynda ótip jatqan Total Enerdjı Jazǵy mektebi energetıka salasyndaǵy pánderdi oqıtyn bakalavrlar-stýdentterge jáne magıstranttarǵa arnalǵan.
Pikir qaldyrý