Roskomnadzordyń Telegramdy buǵattaýǵa baǵyttalǵan túrli áreketterine qaramastan qazaqstandyqtar men reseılikter bul messendjerdi qoldanýdyń utymdy tásilderin paıdalanyp júr. Osy oraıda nazarlaryńyzǵa Qazaqstandaǵy eń tanymal 20 telegram kanaldyń tizimin usynamyz. Aıta ketý kerek, tizimniń alǵashqy bestigine belsendi vaınerler jaıǵasqan.
1. Bayzakova
Jazylýshylarynyń sany: 100 777
Alǵashqy orynǵa jelini jaǵymsyz qylyqtarymen jaýlap alǵan Aıjan Baızaqova jaıǵasty. Keri baılanys ornatylmaǵan Telegram kanaly Aıjan úshin yńǵaıly jelige aınaldy. Ol munda óz sýretterimen bólisedi, oılaryn ortaǵa salady. Instagram paraqshasynan artyqshylyǵy munda Baızaqovany eshkim buǵattamaıdy. Heıterler de mazasyn almaıdy.
2.BIRZHAN ASHIM’S BLACK
@birzhanashim
Jazylýshylarynyń sany: 74 249
Birjan Áshimniń kanalyna astarly ári ýytty ázilderdi túsinbeıtin jandardyń bas suqpaǵany jón. Ol óz kanalynda kóbinese oqýshy kezindegi bastan keshken qyzyqtaryn baıandaıdy.
3.Yuframe
Jazylýshylarynyń sany: 49 731
Vaınerler Telegramǵa tirkelý arqyly Facebook paıda bolǵanda tanymal bola bastaǵan qoldanýshylardy ekinshi satyǵa yǵystyryp jiberdi. Youframe – bul úrdiske úlken mysal bola alatyn komanda. Ózderiniń kanaldarynda top músheleri shyǵarmashylyqtaǵy jańalyqtarymen, túsirilim kezindegi qyzyqtarymen bólisedi.
4.Nagıgram
Jazylýshylar sany: 44 869
Instagram-dy óziniń qarapaıym ǵana bolmysymen, boıyndaǵy energetıkasymen jaýlap alǵan Naǵıma óz kanalynda basynan ótken túrli kezdesýlerdegi shytyrman oqıǵalarymen, saıahat kezindegi tap bolǵan qyzyqtarymen bólisedi. Sonymen qatar Naǵıma mýzykaǵa beıim. Kanalyna pıanınoda oınaǵan vıdeolaryn júktep, erekshe áser qaldyrady.
5. RASHEV
Jazylýshylar sany: 36 198
Rashev alǵashqy bestikti qorytyndylaıdy. Jyl basynda onyń kanaly Qazaqstandaǵy úzdik telegram-kanal bolatyn. Alǵashqyda kitabynan úzindi jarıalasa, keıinnen krıptovolúta qoldanýdaǵy tájirıbesimen bólise bastady. Qazir saıahattaý barysynan qysqasha eskertpeler jarıalaı bastady. Keıde jaqsy mýzykamen bólisedi. Memleketti synaýdan da qashpaıdy.
6. ALIBEKOV
Jazylýshylar sany: 27 028
Beıbit Álibekov ınstagramda óziniń bıznesin júrgizse, Telegramda áleýmettik máselelerdi qozǵaıdy. Sonymen qatar, Almaty qalasynyń jańalyqtarymen turaqty bólisip otyrady.
7. Alisher Yelikbayev Live
Jazylýshylar sany: 17 315
Álisher Elikbaev Telegramda Instagram men Feısbýkke qaraǵanda sarkazm men ıronıaǵa toly jazbalar jarıalaıdy. Osy úshin de onyń kanaly oqyrmandar úshin eń qyzyqty lentalardyń biri sanalady.
8. Bayan Maxatkyzy
Jazylýshylar sany: 14 388
Otandyq shoý bıznestiń eń tanymal ókili, prodúser Baıan Alagózova telegram kanalynda oqyrman nazaryna avtorlyq kitabynan úzindiler usynady. Sonymen qatar, qol astyndaǵy óner juldyzdary týraly da aqparat berip otyrady. Baıan Maqsatqyzy Telegram paıda bolǵaly top-10 tizimine engen. Azdap belsendirek bolsa top-5 qatarynan kórip qalýymyz da yqtımal.
9. Q3 CHANNEL (Kairat Kudaibergen)
Jazylýshylar sany: 12 507
Qaırat Qudaıbergenniń sońǵy kezderi Telegramdaǵy belsendiligi tómendep ketkenimen, kóp oqylatyn kanaldar tiziminde. Kóbinese bıznes taqyrybyndaǵy oılarymen bólisedi. Óziniń «Transformator Kazahstan» bıznes klýbynyń jańalyqtaryn Telegramda ǵana emes Instagramda da belsendi túrde jarıalaıdy
10. Kanat Beısekeev
Jazylýshylar sany: 12 124
Telegram paıda bolǵaly jeli qoldanýshylary Qanat Beısekeevti talantty fotograf retinde ǵana emes, áńgimeshil azamat retinde tanı bastady. Qanat Telegramda balalyq shaǵy, saıahat, fılmderdiń basty keıipkerlerimen kezdesýi týraly baıandaıdy.
11. SULTANKYZY
Jazylýshylar sany: 9342
Láılá Sultanqyzynyń telegramy qazaq tilindegi eń úzdik kanaldardyń biri. Ol óz kanalynda televızıalyq jobalary týraly jıi jazady. Kóbinese otandyq shoý-bıznestiń aınalasyndaǵy taqyryptardy qozǵaıdy. Sonymen qatar oqyrmandar arasynda saýalnamalar júrgizedi.
12. Nýrlan Baıdılda
Jazylýshylar sany: 9398
Eger siz kez-kelgen jetistikke tender arqyly jetýge bolady dep esepteseńiz, Nurlan Baıdildany oqyńyz. Ol Qazaqstannyń túkpir-túkpirinde tender taqyrybynda sheberlik synyptaryn ótkizedi. Bıznes salasy boıynsha túrli ádebıetterdi oqýǵa usynady.
13. Djohar Ýtebekov, advokat
Jazylýshylar sany: 7620
Djohar Ýtebekov qazirgi tańda tek zań jóninde jazbaıdy. Áleýmettik máselelerdi jıi kóteredi. Ásirese Almatydaǵy qoǵamdyq kólik máselesin jıi qozǵaıdy. Sonymen qatar Ýtebekovty kópshilik sońǵy kezde qaladaǵy qoǵamdyq oryndardaǵy órtke qarsy qaýipsizdikti jiti baqylaıtyn azamat retinde tanyp júr. Djohardyń paraqshasy – almatylyqtar úshin paıdaly aqparat kózi sanalady.
14. BALGABAEV
Jazylýshylar sany: 6151
Eger sizge kún saıyn maǵynaly qaljyń men pozıtıv jetispese mindetti túrde Rınat Balǵabaevtyń kanalyna jazylyńyz. Ironıa men maǵynaly ázil – elde bolyp jatqan jaǵdaıǵa durys kózqaras qalyptastyrýǵa kómektesedi. Bul úrdisti Rınattyń paraqshasynan úırenýge bolady.
15.Saniya Ilyassova
Jazylýshylar sany: 5877
Vızajıst, "Saniya Ilyassova" salon jelileriniń negizin qalaýshy, isker arý Sánıa İlıasova óz kanalyn bıznesin júrgizý úshin paıdalanbaıdy. Ol munda kóbinese óz oılaryn, ómirge degen kózqarasyn ortaǵa salady. Óziniń aıtýynsha Telegram – jan dúnıeni aqtarýǵa arnalǵan messendjer.
16. Ablay Yussupov
Jazylýshylar sany: 5449
Abylaı Iýsýpov - Upgrade Group bilim berý kompanıasynyń dırektory ári negizin qalaýshy. Ol SMM jáne marketıń salasynda jumys isteıdi. Onyń kanalynda paıdaly daıdjestterdiń toptamasyna, bıznes týraly ádebıetter tizimine, jumysta belsendi bolýǵa arnalǵan keńesterge, nátıjege jumys isteý týraly paıdaly aqparattarǵa qol jetkizýge bolady. Abylaı Iýssýpov óziniń paraqshasyn qarapaıym, kóptiń kóńilinen shyǵatyn yńǵaıly formatta júrgizedi.
17. Kaliyev Channel
Jazylýshylar sany: 5145
Talǵat Qalıev jeke kanalynda saıası oqıǵalarǵa saraptama júrgizedi. Bul - Qazaqstandaǵy depýtat, mınıstr syndy shendilermen suhbattar jarıalanatyn jalǵyz kanal. Talǵat Qalıev buryn jýrnalıs bolǵandyqtan jazý jaǵy oǵan qıyndyq týdyrmaıdy. Ol kópshilik úshin yqsham mátindermen eksklúzıvti aqparattardy jıi jarıalaıdy.
18. YEDILOV ONLINE
Jazylýshylar sany: 4583
Qazaqstandaǵy taǵy bir saıası kanal Erbol Edilovke tıesili. Ol GR Consulting Group kompanıasynyń basshysy. Kadrlyq aýys-túıister, sheneýnikterdiń týǵan kúni, reıtıńterdi Edilov qashanda eń birinshi bolyp jarıalaıdy.
19. Versus Club
Jazylýshylar sany: 4266
Bıznes júrgizý men tulǵalyq damý jónindegi eń tanymal ári eń sapaly kanaldy Qýanysh Shonbaı júrgizedi. Ol turaqty túrdegi izdenistiń nátıjesinde bıznes kólemin ulǵaıtqan tabysty azamattardyń biri. Kanalynda bıznestegi tájirıbesimen turaqty bólisip otyrady.
20.Orken Kenzhebek Live
Jazylýshylar sany: 3212
Sońǵy kezderi Órken Kenjebektiń telegramdaǵy belsendiligi tómendep ketti. Alaıda oqyrmandar onyń jarıalanymdaryn taǵatsyzdana kútedi. Kóbinese álemdik iri kompanıalardyń bıznes keısteri týraly jazady. Sonymen qatar, dástúr, saıahat syndy tanymdyq taqyryptarda da qalam terbeıdi.
Aýdarǵan: Araıly Jaqsylyq
