«Qazaqstan» RTRK «Balapan» telearnasynda jańa joba bastaldy. Bul jaıynda QR Aqparat jáne komýnıkasıalar mınıstri Dáýren mınıstri Facebook paraqshasynda habarlady.

«Qazaqstan» RTRK «Balapan» telearnasy «Qońyr qaz» jobasyn nazarlaryńyzǵa usynady. Joba arqyly qazaq múltıplıkasıasynyń atasy Ámen Qaıdarovtyń «Aqsaq qulanymen» bastalǵan anımasıalyq kúı dástúrin qaıta jalǵamaqshymyz. 

Joba aıasynda Qurmanǵazy, Dáýletkereı, Qazanǵap, Dına, Súgir, Yqylas sıaqty dáýlesker kúıshilerimizdiń klasıkalyq týyndylary anımasıalanady. 

«Qońyr qaz» toptamasy 2D janrda, elimizdiń belgili mamandarynyń qatysýymen júzege asty. Ár bólimge mádenıettanýshy Zıra Naýryzbaeva arnaıy senarı ázirlegen. Jobanyń qoıýshy rejıseri – Dılshat Rahmatýllın.
Basty maqsat - Uly dala murasyn urpaq sanasyna sińirý», - dep jazady mınıstr.