Qazaqstanda dombyra kúni joǵary dárejede toılanady, túrli konsertter men dýmandy sharalar uıymdastyrylady, dep habarlaıdy Qamshy.kz aqparat agenttigi. 

Bul týraly búgin Astanada ótken baspasóz máslıhatynda Astana qalasy ákimdiginiń mádenıet jáne sport basqarmasynyń bastyǵy Bolat Majaǵulov málimdedi.

Ol osyǵan deıin «Báıterek» monýmentiniń janynda 500 dombyrashy qatysqan flesh-mob ótkenin atap ótti. Sol tusta qalalyq bılik halyq arasyndaǵy osyndaı is-sharalarǵa qyzyǵýshylyq tanytyp, qoǵamda rezonans týǵanyn eske aldy.

«Bul tarıhı sát. Astananyń 20-jyldyǵyn toılaý aıasynda 1 shildede úlken is-shara uıymdastyrylady. Qazirdiń ózinde 1300 qatysýshy tirkelip úlgerdi. Tirkelgenderdiń barlyǵy dombyra sherte alady jáne osy kúni halyqpen birge bolǵysy keledi», - dedi Majaǵulov.

Elimizdiń basqa óńirlerinde turatyn azamattarǵa qala ortalyqtarynda uıymdastyrylatyn merekelik sharalarǵa qatysýyna bolady.

«Shyn máninde, dombyra ustaı alatyn kez kelgen adam qatysa alady, aspapta óz qalaýy boıynsha oınaı alady. Sonymen qatar, olar bútin bir orkestr quryp dombyra tarta alady. İs-sharalardyń kóbisi qarapaıyp halyqqa arnalǵan. Sol sebepti biz Almatyǵa ulttyq aspaptar mýzeıin alyp baramyz. Kórmege zamanaýı sheberlerdiń jasaǵan mýzykalyq aspaptary da qoıylady», - dedi basqarma basshysy.

Astanadaǵy is-sharanyń bastalýy 1 shilde kúni 12:00-ge josparlanǵan.