Qazaqstannyń Ulttyq banki teńge baǵamy tómendeıdi jáne ınflásıa deńgeıi ósedi degen qaýesetke qatysty málimdeme jasady, - dep habarlaıdy Tengrinews.kz.

Qarjy retteýshisiniń málimetinshe, áleýmettik jelilerde jáne messendjerlerde teńge baǵamynyń quldyraıtyny jáne ınflásıa deńgeıiniń ósýi týraly jalǵan aqparat tarap jatyr. "Qazaqstannyń Ulttyq banki bul málimetterdiń shyndyqqa janaspaıtynyn habarlaıdy. Qazirgi ýaqytta áseri bar ári anyq qater joq", - dep málimdedi Ulttyq banktegiler.

Sońǵy ýaqyttarda baıqalyp jatqan teńgeniń azdap aýytqýyna birinshi kezekte sheteldik valútaǵa degen eńbek demalystaryna baılanysty maýsymdyq suranystyń ósýi sebep ekeni aıtylady. Taǵy bir faktory AQSH Federaldyq rezerv júıesindegi mólsherlemeniń ósýi eken. Onyń nátıjesinde AQSH dollarynyń álemdik naryqta nyǵaıýy men damýshy naryqtardan kapıtalynyń azdaǵan tómendeýi baıqalady.  

"Munaı álemdik naryǵy tarapynan teńge aıyrbas baǵamyna jaǵymdy áserin tıgizip otyrǵany baıqalady. Munaıdyń ortasha baǵasy barreline 70 dollarǵa jýyqtaıdy. Osynyń esebinen eldiń tólem balansy jaqsarady", - delingen habarlamada.

UB málimetinshe, jyldyq ınflásıa arnaýly dáliz ishinde tómendep jatyr. Mamyrda onyń deńgeıi 6 paıyzǵa teń bolǵan. Sonymen qatar, jyl basynan beri ınflásıanyń barlyq quramsy boıynsha tómendeýi baıqalǵan.  

Ulttyq bank jalǵan málimet taratýshylardy tabý úshin quqyq qorǵaý organdaryna júgindi.