23-24 maýsym kúnderi "Boraldaı saq qorǵandary" arheologıalyq parkinde halyqaralyq «Uly dala – kóshpendiler álemi» etnofestıvali ótedi.
Atalǵan sharaǵa Vengrıanyń, Monǵolıanyń,Ýkraınanyń, Ózbekstannyń, Bashqurtstannyń, Tyvy men Daǵystannyń,Saha men Altaı Respýblıkasynyń, Qalmaqıa men Býrátıanyń jáne basqalarynyń áskerı dástúrdi saqtaýshylary qatysady. Batyrlar ata- babalarymyzdyń kóneden saqtalǵan áskerı óneri men sheberlikterin pash etedi.
Etnofestıvaldi uıymdastyrýshylar ǵasyr mashınasy ispetti kórermenderge kóshpeli dáýir ómirin kórsetedi.
«Eger qysqasha aıtatyn bolsaq, «Uly dala – kóshpendiler álemi» etnofestıvali ulttyq mádenıetti nasıhattaýdyń tıimdi ádisi. Qonaqtar, ásirese sheteldikter qazaqtardyń mádenıetine,ultyq dástúrlerge,dekoratvıti- qoldanbaly ónerge,nomadtardyń baı jyraýlyq qasıetterine, kóshpendilerdiń kóne ǵuryptary men turmysyna, ulttyq atsport oıyndarynyń, uly dalanyń keńdigine tereń boılaıdy», - dep túsinikteme berdi Almaty qalasynyń Mádenıet pen muraǵattar basqarmasy.
Almatylyqtar men qala qonaqtary batyrlardyń jekpe- jegine, attyń ústinde turyp jerden tyıyn alatyn, qarsylasyn ertoqymymen birge sýyryp alatyn shabandozdardyń sheberligi men eptiligine tánti bolady.
Bulardan ózge, sharaǵa kelgenderdiń árqaısysy óz múmkindigin saralap, túrli saıystarǵa,vıktorınalarǵa qatysyp, baǵaly syılyqtarǵa ıe bolyp, zergerlik buıymdardy, ulttyq taǵamdardy, shaǵyn kıiz úılerdi kóre alady. Úzdik ulttyq kıimge arnaıy júlde qarastyrylǵan. Kishkentaı kórermenderdi kóńildi ári tanymdyq sharalar kútip tur.
«Uly dala – kóshpendiler álemi» etnofestıvali ǵasyrlar qoınaýyn qaıta jańǵyrtady, el tarıhyna degen sezimdi kúsheıtedi, tarıhı saýattylyqty arttyryp, qazaqstandyqtardy patrıotızmge baýlıdy. Kórsetilimderdi tamashalaý - ejelgi qazaq "atraksıonynyń" kórermenine aınalý, úıretilmegen tulpardy baǵyndyrý», - dedi Basqarmadaǵylar.
Festıvál aıasynda etnıkalyq mýzykanyń álemdik juldyzdarynyń konserti, sadaqshylar týrnıri, ulttyq qazaq kúresi, báıge, búrkitshiler men ań aýlaıtyn ıtterdiń saıystary uıymdastyrylady.
Shara 23-24 maýsymda saǵat 10:00 den 19.00 –ge deıin Alataý aýdanyndaǵy «Boraldaı saq qorǵandary» arhıeologıalyq parkinde ótedi, kirý tegin.
Festıvál kórermenderi úshin "Astana" alańynan, Ortalyq stadıonnan, "Alataý" dástúrli óner teatrynan,"Saıahat" avtovokzalynan ár jarty saǵat saıyn arnaıy avtbýstar júretin bolady.
