Aqordada «Qazaqstan Respýblıkasynyń ákimshilik-aýmaqtyq qurylysynyń keıbir máseleleri týraly» Jarlyqqa qol qoıyldy, dep habarlaıdy Qamshy.kz aqparat agenttigi.
Rásim barysynda Nursultan Nazarbaev Shymkentti Astana jáne Almatymen qatar Qazaqstandaǵy mıllıon turǵyny bar qalalardyń qataryna qosylǵanyn resmı málimdedi.
"Men qol qoıǵan "Qazaqstan Respýblıkasynyń ákimshilik-aýmaqtyq qurylysy týraly" Zańnyń 3-babynyń 1-tarmaǵyna sáıkes, Shymkent respýblıkalyq mańyzy bar qala mártebesine ıe boldy. Bul ákimshilik birlik elimizdiń on jetinshi aımaǵy atandy. Al qazaq handyǵy men túrki áleminiń júregine aınalǵan Túrkistan qalasy oblys ortalyǵy bolyp bekitildi", - Qazaqstan prezıdenti.
Nursultan Nazarbaevtyń aıtýynsha bul óńir endi Túrkistan oblysy dep atalatyn bolady.
"Bul ákimshiliktiń aýmaqtyń qurylymdyq ózgeristeri osy óńirdiń órkendeýine tyń serpin berýin kózdegen tarıhı qujat bolady. Ońtústik Qazaqstan elimizdegi ekonomıkalyq, kólik, logıstıkalyq, demografıalyq áleýeti zor aımaq. Bıyl halqynyń sany mıllıonǵa jetken Shymkent Qazaqstannyń eń iri úsh megapolısiniń qataryna qosyldy", - dedi Nursultan Nazarbaev.
