Selınograd aýdanynda 2 aýyl men 23 kósheniń ataýy qazaqshalandy. Bul jaıynda Almas Temirbaı facebook paraqshasynda jarıalady. 

"Novoıshımka "JAŃA ESİL", Semenovka "QARAMENDİ BATYR" aýyly bolyp jáne 23 kósheniń ataýy qazaqshalandy!!!

Al, qutty bolsyn! Selınograd aýdanynyń "Novoıshım" aýyldyq okrýgy "JAŃA ESİL AÝYLDYQ OKRÝGY", "Novoıshım" aýyly "JAŃA ESİL", Semenovka aýyly "QARAMENDİ BATYR" aýyly bolyp ózgertiletin boldy!

Oǵan qosa osy 2 aýyldaǵy 23 kóshesi "Alash", "Táýelsizdik", "Saıran", "Egemen", "Oqjetpes", "Altyn orda" t.b. bolyp túgeldeı qazaqsha ataýlarǵa ıe boldy! Orystary kóp, qazaǵy az osy eki aýylda birneshe aıdan beri daýǵa ulasqan máselege núkte qoıyldy. 

Osy máseleni sheshýdi qolǵa alǵan Selınograd aýdanynyń ákiminiń orynbasary Alma Aıtkýjınovaǵa, bizden qoldaý-kómek surap, shaqyrtqan mádenıet jáne tilderdi damytý bóliminiń meńgerýshisi Aıgúl Úkimetqyzyna rıza boldyq, Alla razy bolsyn.

Semenovka aýylynyń aty "Tasmol bolsyn", "Tasmola bolsyn", "Bereke bolsyn" dep bura tartqandar bolsa da, at tóbelindeı qazaq tórtke bólinbeı, aýyzbirshilik tanytyp "Qaramendi batyr aýyly bolsyn" tura aldy. 

Osy eki jıynda kele almasa da aqyl-keńesin aıamaǵan profesor Jambyl Artyqbaevqa, qatysýǵa ýaqytyn bólip Astanadan, Torǵaıdan arnaıy kelgen ultjandy Feızbýktegi dostarym - til janashyry Rýza Beısenbaıtegi, profesor Maqsat Alpysbes, aqyndar Erbol Alshynbaı, Azamat Maljanbaı, jýrnalıser Amangeldi Qurmetuly, Serik Joldasbek, kásipkerler Qanatbek pen Baqytbek Abdrahmanov, bloger-ustaz Aıatjan Ahmetjan, Sulýshash Ahmetova, Orazbek Absattar, aýyl ımamy Ádilbek Bilanov sekildi azamattarǵa rahmet! 

Osylaı árqashan uıymshyldyq tanytyp, barǵan jerimizde kók týymyz jebirep baryp, jelbirep qaıtsyn! Rýhymyz asqaqtaı bersin osylaı, jigitter!, - dep jazdy Almas Temirbaı.