Pavlodar oblystyq aýyl sharýashylyǵy basqarmasyna Nurbolat Maqashev taǵaıyndaldy, dep habarlaıdy pavlodarnews.kz.

Kadrlyq aýys-túıis týraly búgin oblys ákimdiginde ótken aparattyq jıynda belgili boldy. Jańa basshyny óńir ákimi Bolat Baqaýov tanystyrdy. Ol óz sózinde Nurbolat Maqashev aýyl sharýashylyǵy mınıstrliginde biraz tájirıbe jınaǵanyn atap ótti.

- Nurbolat Maqashev sarapshy, bas sarapshy, basqarma basshysy, aýyl sharýashylyǵy mınıstrligi departamenti dırektorynyń orynbasary bolyp jumys istegen, - dedi ákim. - Kooperasıa máselelerine jetekshilik etken. Bul tájirıbe jumysta septigin tıgizedi degen oıdamyn.

Nurbolat Maqashev 2003 jyly Shákárim atyndaǵy Semeı memlekettik ýnıversıtetin «Standarttaý jáne azyq-túlik salasyn sertıfıkattaý» mamandyǵy, 2010 jyly «Turan-Astana» ýnıversıtetin «Zańger» mamandyǵy boıynsha, 2016 jyly «Bolashaq» baǵdarlamasy boıynsha «Shpaıer» ákimshilik basqarý nemis ýnıversıtetiniń magıstratýrasyn bitirgen. 

Eńbek  jolyn 2007 jyly «Halyqaralyq baǵdarlamalar ortalyǵy» AQ prezıdentiniń keńesshisi bolyp bastaǵan. 2008-2018 jyldary aýyl sharýashylyǵy mınıstrliginde jumys istegen.  Bul qyzmetke deıin atalǵan vedomstvo basshysynyń orynbasary  laýazymyn atqarǵan.