Almaty ıpodromy men «Saıran» avtovokzaly Almaty qalasynyń tarıhı-mádenı muralar nysandarynyń aldyn–ala jasalǵan esebi tizimine engizildi.
Qazaqstan Respýblıkasynyń «Tarıhı- mádenı muralar obektilerin qorǵaý jáne paıdalaný týraly» Zańy negizinde obektige tarıhı jáne mádenı eskertkish mártebesin berý úshin ol aldyn- ala jasalǵan esep tizimine engiziledi.
Obektiniń mártebesi týraly naqtyly sheshim qabyldanǵanǵa deıin osy Zańǵa sáıkes ol tarıhı-mádenı muralar eskertkishterimen birdeı qorǵalady.
Zańǵa sáıkes ony paıdalanýshy eskertkishti qorǵaýy tıis. Iaǵnı, ǵımarattyń syrtyn,ishin qaıta jasaýǵa, konstrýksıalaryn alý, qosalqy qurylys salýǵa, maqsatty paıdalanylýyn jáne aınalasyn ózgertýge tyıym salynady. Ǵımarattyń ishin jóndeý nemese qaıta jasaý úshin ókiletti organnyń kelisimi qajet.
Eske salsaq, buryn Almaty ákimi Baýyrjan Baıbek zańnamaǵa sáıkes «Saıran» avtovokzalyn jergilikti mańyzy bar tarıhı eskertkishter tizimine engizý týraly máseleni qaraýdy tapsyrǵan bolatyn. Keıin menshik ıesi aımaqty damytýdyń aldyn-ala jasalǵan konsepsıasyn usyndy. Avtovokzaldyń kólik logıstıkasyn tolyq qaıta jasaý jáne onyń aınalasyn fontandarmen, kafelermen, jasyl jelektermen jáne balalar alńdarymen qosa tolyq abattandyrý josparlanǵan.
Bulardan ózge, Almaty qalasy ákimdiginiń qaýlysy boıynsha QİYO «Atakent» AQ arasyndaǵy 23 gektar jerdi ýaqytsha jalǵa berý jónindegi kelisim kúshin joıdy. Keıin «Atakenttiń» basqarýshy kompanıasy jeke menshiktegi 8 gektar jerdi de tegin qaıtarý jóninde mindetteme alǵan edi. Kórme kesheniniń basshylyǵy «Qala jaıaý júrginshi úshin» konsepsıasyna saı onyń aınalasyn abattandyrý jumystaryn odan ári jalǵastyratyn bolady.
