«Almatynyń 50 jobalar-draıverleri» bastamasy aıasynda megapolıstiń Indýstrıaldy aımaǵynda «Tokyo Rope Manufacturing» transulttyq korporasıasynyń ınjenerlik júıelerdi qorǵaıtyn ónim shyǵaratyn jańa zaýyty tehnıkalyq turǵyda ashyldy. Kásiporynnyń TMD-da balamasy joq jáne japondyq ınvestısıa esebinen salyndy.
Megapolıs ákimi Baýyrjan Baıbek joǵary tehnologıaly zaýyttyń el Prezıdenti Nursultan Nazarbaevtyń sheteldik ınvestısıany tartý jáne respbýlıka aımaǵynda ınovasıalyq óndiris qurý jónindegi tapsyrmasyn oryndaý aıasynda ashylǵanyn atap ótti.
Jańa kásiporynda burǵylaıtyn ankerler, joǵary tózimdi metal arqandar, taý jáne karerlerde qoldanylatyn bolat torlar shyǵaratyn jáne tehnıkalyq parametri jaǵynan óte qundy jabdyqtar ornatylǵan. Zaýyttyń qýaty joǵary, jylyna 17 myń tonnadan astam bolat ónimderin shyǵarady.
«Tokyo Rope Manufacturing» dırektorlar keńesiniń tóraǵasy Shıgeto Tanaka Almatynyń barlyq óńirlerge ozyq japon tehnologıasyn taratýdyń qundy núktesi bolǵanyn atap ótti.
«2016 jyly jobanyń alǵashqy fazasy júzege asyp, «Tokyo Rope Almaty» zaýytynyń ónimderi TMD elderi men Parsy shyǵanaǵynda, sonyń ishinde Saýd Arabıasynyń iri jobalarynda qoldanyla bastady. Almaty zaýytynyń shaǵyn ónimderi Esentaı ózeni jaǵalaýynyń, Úlken Almaty ózenine deıingi avtojoldardy, Medeý - Shymbulaq aspaly jol men «Myńjylqy» platınasynyń beriktigin arttyrýda paıdalanyldy. Men búgingi birigip atqarylǵan jumystyń Qazaqstanǵa japondyq ınvestısıanyń jańa leginiń kelýine serpin beretindigine senimdimin», - dedi Shıgeto Tanaka.
Japondyq kompanıa 130 jyldan astam buryn qurylǵan jáne bolat arqandaryn shyǵarýda álemdik jetekshi bolyp tabylady. «Tokyo Rope» selge, tas, laı kóshkinderine qarsy turatyn jabdyqtar men qurylǵylar da shyǵarady. Japon fırmasynyń bolat arqandary álemdegi 20 iri kópirdiń 12-siniń qurylysynda qoldanyldy. Japonıada shyǵatyn árbir tórtinshi avtoshınde Tokyo Rope ónimderi bar. Bulardan ózge kompanıa jedel lıfter men ınjenerlik qorǵanys óndirisi úshin joǵary sapaly arqandar shyǵarýmen de tanymal.
«Jalpy, Almatynyń Indýstrıaldy aımaǵynda qazyrgi kezde qurylys, farmasevtıka, hımıa, tamaq jáne jeńil ónerkásibi salalary boıynsha 40-tan astam iri otandyq jáne sheteldik jobalalar júzege asýda. Bıylǵy jyly 9 jańa joba engizý josparlanǵan, sonyń ishinde kabel ótkizgish ónimderin shyǵaratyn reseılik «KMK Investment» kompanıasy, munaı, gaz sý jáne munaı ónimderin tasymaldaý úshin úlken dıametrli bolat qubyrlar óndiretin qazaqstandyq - qytaılyq «Asia Steel Pipe Corporation» kásiporny bar», - dedi Almaty ákimdiginiń baspasóz qyzmeti.
