Senat tóraǵasy Q.K.Toqaevtyń suhbatyna baılanysty senator Muhtar Qul-Muhammed óz pikirin bildirdi, dep jazady Qamshy.kz aqparat agenttigi.

– Qasym-Jomart Kemeluly óte baıypty, baısaldy saıasatker. Menińshe ol suhbatty batys qoǵamdyq pikiriniń tamyryn basý úshin aıtqan sıaqty. Tipti óz ishimizdegi keıbir úmitkerlerdi «synaý» maqsatynda jasalýy da ábden múmkin. Óıtkeni Toqaevtyń jaýaptary basynan aıaǵyna deıin Elbasy saıasatyn qoldaýǵa negizdelgen. Mahathır Mohamadtyń jasyna qatysty siltemeniń ózinde kóp ıshara bar ekenin baıqamaý múmkin emes. Sondyqtan árdaıym bizdi synap-mineýge daıyn turatyn sheteldik aqparattyń qatqyl formatyndaǵy bir suhbat tóńireginde sonshama daý-damaı týǵyzýdyń esh qajeti joq, – dep túıindeıdi óz pikirin senator myrza.

Aıta ketetin bolsaq, Senat tóraǵasy Toqaev BBC telearnasyna bergen suhbatynda qazirgi prezıdent Nazarbaevtyń Qazaqstanda 2020 jyly bolýy tıis prezıdenttik saılaýǵa túspeýi múmkin ekeni týraly aıtqan. Osydan keıin birqatar saıasatkerler Toqaev sózine qatysty pikir bildirgen bolatyn. Atap aıtqanda Aqparat jáne Komýnıkasıalar mınıstri Dáýren Abaev «Nazarbaev kelesi saılaýǵa qatyssa Qazaqstan odan tek utatyn bolady» degen.