Altaı aımaǵyndaǵy Barnaýyl ólkesinde 8 jastaǵy qyz izdestirilip jatyr. Ol senbiniń keshinde bolǵan joıqyn daýyl aldynda jalǵyz shyǵyp ketken. Krımınalıser oqıǵanyń mán-jaıyn anyqtap, balanyń týystary men dostaryn, jaqyndaryn tergep jatyr. Bul jaıynda Reseı Federasıasynyń tergeý komıteti boıynsha Altaı ólkesiniń tergeý basqarmasynyń saıtynda habarlandy.

Oqıǵa boıynsha qylmystyq is qozǵaý máselesi talqylanyp jatyr.

— Biz ázirge onyń joǵalyp ketýi daýylǵa qatysy bar ma, joq pa bilmeımiz. Alaıda onyń daýyldyń basylǵanyn kútip  dostary nemese tanystarynyń úıinde bolýy múmkin. Bala erterek qydyrýǵa shyǵyp ketken, artynan anasy bizge onyń joǵalyp ketkenin aıtyp, habarlasty. Jasóspirim jaqsy otbasydan shyqqan, buryn sońdy mundaı qylyǵy bolmaǵan, - dedi tergeý komıtetiniń baspasóz qyzmeti.

Barnaýylda daýyl 23 maýsymda keshki saǵat 9 shamasynda bastalǵan. Jel aǵashtardy qulatyp, birneshe ǵımarattyń shatyryn julyp áketken. Daýyl saldarynan 1 adam kóz jumdy, 85 myń adam jaryqsyz qaldy jáne 15 adam jaraqat alǵan.