«Jańa gýmanıtarlyq bilim. Qazaq tilindegi 100 jańa oqýlyq» jobasy aıasynda memlekettik tilge aýdarylǵan alǵashqy 17 akademıalyq jınaqty  talqylaýǵa arnalǵan jıyn ótti.

Profesor-oqytýshylar bas qosqan otyrys barysynda gýmanıtarlyq baǵyt, ıaǵnı qazaq jáne aǵylshyn til bilimi ǵylymy salalarynyń ózekti máselelerine arnalǵan «Til bilimine kirispe», «Til jáne mádenıetaralyq komýnıkasıa» atty aýdarma eńbekteri talqylandy.

Memlekettik deńgeıde Elbasy N.Á.Nazarbaev qoldaýyna ıe bolǵan bul aýqymdy jobany talqylaý keńesin ýnıversıtettiń oqý isi jónindegi prorektory, pedagogıka ǵylymdarynyń doktory Gúljan Saǵıdollaqyzy ashyp, júrgizip otyrdy.

Jıyn barysynda qazaq tili jáne ádebıeti kafedrasynyń meńgerýshisi A.Eleýova, ýnıversıtet profesory Q.Júsip, fılologıa ǵylymdarynyń kandıdattary S.Atashev, J.Muhambetov, sondaı-aq G.Sabırova eńbek týraly óz pikirlerimen bólisti.

Aýdarma isi jáne shetel tili kafedrasy meńgerýshisi A.Haıyrjanova jáne shetel tilin oqytý ádistemesi kafedrasynyń dosenti A.Kapakova, aǵa oqytýshy A.Kýdjanovtar qatysyp, ózindik tujyrymdarymen bólisti.

12 taraýdan bul turatyn «Til bilimine kirispe» eńbeginde til ǵylymy, fonetıka, gramatıka, morfologıa, sıntaksıs, til jáne adamnyń mıy syndy til ǵylymy máseleleri qarastyrylady.Al, aǵylshyn til biliminiń ǵylymı-teorıalyq máselesin zerdeleıtin «Til jáne mádenıetaralyq komýnıkasıa» jınaǵynda tulǵaralyq qarym-qatynas máselelerine negiz bolatyn tildik ádisnamalar qozǵalady.

Profesor-oqytýshylar akademıalyq jınaqtyń zamanaýı ózektiligine toqtalyp, ǵylymı aınalymǵa qajettiligi týraly usynystaryn aıty.