Almaty oblysy Shelek aýlynyń ortalyq aýrýhanasynda qandy qaıǵyly oqıǵa bolyp, úsh adam qaza tapty. Bul jaıynda Almaty oblysy ákimdiginiń baspasóz qyzmeti málim etti.

Oqıǵa 2 shilde túski ýaqytta oryn alǵan. Ortalyq aýrýhananyń qyzmetkerleri káriz júıesin tekserip júrgen kezde gazdan ýlanyp qalǵan. Saldarynan eki santehnık pen bir medısına qyzmetkeri kóz jumdy.

«Kýágerlerdiń aıtýynsha, eń aldymen qudyqqa 1967 jylǵy er adam túsip bara jatyp qulap ketken. Ony shyǵaryp alý úshin 1969 jylǵy er adam túsip, ol da esinen tanyp qalǵan. Olarǵa kómek kórsetý úshin  túsken eki dáriger de ózdiginen qudyqtan shyǵa almaǵan. Olardy qutqarý toby shyǵaryp alǵan. Ýly gazdan eki santehnık qaza taýyp, bir medısına qyzmetkerleri aýyr jaǵdaıda reanımasıaǵa túsken», - deıdi Almaty oblysy ákimdigi.

Keıinirek bir dárigerdiń kóz jumǵany belgili boldy.