AQSH prezıdenti Donald Tramp Reseı basshysy Vladımır Pýtınmen Helsınkıdegi kezdesýdiń aldynda ońasha sóılesýdi josparlaıdy. Bul týraly CNN telearnasynyń jańalyqtary habarlady.
Pýtın men Tram 16 shildede Helsınkıde kezdesýi tıis. Al Tramp ózge elderdiń delegasıasy jınalmas buryn Pýtınmen jeke sóılesip alýdy qalap otyr.
Sıngapýrdegi AQSH-KHDR samıti kezinde Tramp Soltústik Koreıa basshysy Kım Chen Ynmen úsh saǵat boıy ońasha sóılesken edi. Ol ýaqytta kabınet ishinde tek aýdarmashylar ǵana bolǵan.
Eki el basshylarynyń kezdesý qorytyndysyna sáıkes, Tramp Koreı jarty túbegindegi ıadrolyq qarýdy joıý týraly qujatqa qol qoıyp, ıadrosyzdandyrý prosesiniń «óte jyldam» júretinin málimdegen. Eki el basshylarynyń kezdesýine álemdik saıasatkerler oń baǵa berip, bolashaqta tyń ózgeristerdiń bolýy múmkin ekenin aıtty.
Al Reseı men AQSH basshylarynyń kezdesýinen áleıhmdik sarapshylar úreılenip otyr. Máselen Ulybrıtanıa bıligi eki taraptyń kelissózderi nátıjesinde AQSH NATO-nyń Norvegıada josparlanǵan oqýlarynanári Polshada amerıkalyq baza qurý týraly oıdan bas tarta ma dep qorqady.
Tramptyń ózi bul kezdesýdiń nátıjeli bolatynan úmitti. Onyń oıynsha, Reseı men AQSH qarym-qatynasyndaǵy shıelenistiń ornyn syndarly seriktestik basady. Máskeý men Vashıngtonnyń arasy túzelip, halyqaralyq qaýipsizdik nyǵaıady. Pýtınniń de oıy Tramptan alshaqtap turǵan joq. Reseı basshysy bul kelissózderdiń asa mańyzdy ekenin aıtady.
