OAR turǵynynyń aty-jónin dál qazir jasyryp otyr. Alaıda onyń basynan keshken jaǵdaıy sumdyq. 24 maýsym kúni jol-kólik apatyna túsken ony jedel járdem ólimnen arashalap alǵysy-aq keledi, biraq kómek kelgende áıel kóz jumyp ketken delinedi. Distress Alert jedel járdem kompanıasy ózderiniń kinálary joq ekenin, áıel shynymen de tiri bolmaǵanyn aıtyp aqtalýda deıdi TimesLive degen ońtústik afrıkalyq jańalyqtar saıty.
Qysqasy, jedel járdem «óldi» dep sheshim shyǵaryp bergen áıel jergelikti máıithananyń muzdatqyshynda oıanyp ketedi. Máıithana qyzmetkeri múrdeni tekserýge kelgende áıeldiń tynys alyp jatqanyn baıqap shoshyp ketken. Qazirgi tańda naýqas aýrýhanada em qabyldap jatyr delinedi.
Aıta keterligi, mundaı jaǵdaı birinshi ret oryn alyp jatqan joq. 2018 jyldyń qańtarynda ıspandyq túrmede jazasyn ótep júrgen qylmysker de máıithanada oıanyp ketken. Oǵan deıin ony úsh dáriger baqylap, «óldi» degen sheshim shyǵarǵanyn eske salaıyq.
