2018 jylǵy shildeniń ekisi «Samuryq-Qazyna» UÁQ» AQ Basqarma Tóraǵasy Ahmetjan Esimov pen Qazaqstan Respýblıkasynyń Syrtqy ister mınıstri Qaırat Ábdirahmanov kezdesý ótkizip, Ózara túsinistik jáne yntymaqtastyq týraly memorandýmǵa qol qoıdy.
Taraptar sheteldik ınvestısıalardy tartý, elimizdiń energetıkalyq keshenin damytý, tranzıttik-kólik áleýetin iske asyrý, qazaqstandyq eksportty ilgeriletý jáne 2016-2020 jyldarǵa arnalǵan jekeshelendirýdiń keshendi josparyn iske asyrý máselelerine qatysty ózara is-qımyldaryn úılestirý jumystaryn kúsheıtý jóninde kelisimge keldi.
Óz sózinde Ahmetjan Esimov atalǵan qujatqa qol qoıý Memleket basshysynyń ekonomıkalyq sıpattaǵy keń aýqymdy máseleler boıynsha tapsyrmalaryn oryndaýda mańyzdy kezeńge aınalǵanyn atap ótti.
«Biz, qol qoıǵan qujat boıynsha, QR Syrtqy ister mınıstrligimen tyǵyz jumys jasaıtyn bolamyz. Samuryq-Qazyna qorynyń bıylǵa qoıǵan maqsattary - óte úlken. Birinshiden, biz úsh kompanıany IPO-ǵa shyǵaryp, keıin 50 mekemeni jekeshelendirýge jiberýimiz kerek. Oǵan qyzyǵyp jatqan sheteldik ınvestorlar da az emes», - dep atap ótti A.Esimov.
QR Syrtqy ister mınıstrligi memorandým aıasynda shet el ekonomıkasynyń básekege qabiletti salalary men kompanıalary boıynsha ózekti aqparattyq-taldaý materıaldaryn, sondaı-aq Qordyń ekonomıkalyq taqyryptaǵy halyqaralyq is-sharalar kúntizbesine engizý úshin shet elderde josparlanatyn barlyq mańyzdy is-sharalar, elimizge kelýdi josparlaǵan sheteldik bıznes-delegasıalar týraly aqparatty usynýǵa, turaqty negizde shet elderde aqparattyq-túsindirme jumystaryn júrgizýge járdem kórsetýge daıyndyǵyn bildirip otyr.
