Roza Rymbaeva QR Mádenıet jáne sport mınıstrligi uıymdastyratyn keshterden birneshe jylǵa shettetilgeni jaıly málimdegen edi. Mınıstrlik Qazaqstan halyq artısiniń synyna jaýap beripti, dep jazady Qamshy.kz aqparat agenttigi.

«Mádenıet jáne sport mınıstri Arystanbek Muhamedıuly Roza Rymbaevanyń shyǵarmashylyǵyna qashan da erekshe tańdanyspen qaraıdy. Álemdik arenada Qazaqstannyń ornyn qaldyrǵan Roza Qýanyshqyzyna shyǵarmashylyq tabystar tileımiz. Qazaq halqyn ánderimen qashan da qýantyp júre bersin», - delingen mınıstrliktiń habarlamasynda.

Eske sala ketsek, budan buryn Roza Rymbaeva «roıál joq eken» degen bir aýyz sózi úshin týǵan qalasy Semeıdiń keshterinde óner kórsetý múmkindiginen aıyrylǵan. Keıin mádenıet mınıstrligi uıymdastyrǵan keshterden de bes jylǵa deıin shettetildi. Muny Roza Qýanyshqyzy Óńirlik komýnıkasıalar qyzmetiniń baspasóz máslıhaty kezinde aıtqan bolatyn. Buǵan qosa ánshi Astananyń 20 jyldyǵyna arnalǵan merekelik keshterde de sahnaǵa shyqpaıtynyn málimdedi.