"Dostar! Aqyry júzege asty. Biz bul sátti uzaq tostyq. Qazaqstan Respýblıkasy Úkimetiniń №381 qaýlysymen 2018 jyldyń 27 maýsymynan bastap, erekshe qorǵalatyn tabıǵı aýmaqtar júıesinde kópten kútken rezervat dúnıege keldi", – dep jazdy Sáken Dildahmet óziniń Facebook paraqshasynda.

Rezervat aýmaǵy 415 myń gektar. Bul Qazaqstandaǵy altynshy qoryq bolady.

İle-Balqash rezervatynda jolbarystar ósirilmek.

Aıta keteıik, 2017 jyldyń jeltoqsanynda Májiliste Qazaqstanǵa Amýr jolbarysyn jersindirý ıdeıasy talqylanǵan edi. Depýtattar İle-Balqash rezervatyna jolbarys ákelýge bola ma, jergilikti halyqtyń mal-janyna qaýipsiz be, joba tym qymbat emes pe degen nárselerge bas qatyrǵan.

QR ASHM Orman sharýashylyǵy jáne janýarlar dúnıesi komıtetiniń tóraǵasy qyzmetin atqarýshy Marlen Aınabekovtyń aıtýynsha, aldaǵy bes jylda ósimdikterdi qalpyna keltirý jumysy júrgiziledi. Sodan keıin elik pen qabannyń sanyn kóbeıtedi. 

"Biz birden 100 jolbarys ákep jibere salmaımyz. Áýeli barlyq jaǵdaıdy jasap alamyz", - dedi Aınabekov.

Onyń sózinshe, Qıyr Shyǵysta bir jolbarys týrızm salasyna 1 mln dollar paıda túsiredi eken. Sondyqtan bul joba ózin aqtaıdy.

ASHM málimeti boıynsha qazir álemde 3900 bas jolbarys qalǵan.