Atyraý oblysynyń ákimi Nurlan Noǵaev Jylyoı aýdandyq máslıhat depýtattaryna Alımuhammed Quttymuratulynyń basqa jumysqa aýysýyna baılanysty jańa aýdan ákiminiń kandıdatýrasyn usyndy. Ol – buryn Atyraý oblystyq deneshynyqtyrý jáne sport basqarmasynyń basshysy qyzmetin atqarǵan Azamat Beket.
Aımaq basshysy kandıdatýrasy QR Prezıdent ákimshiligimen kelisilgen Azamat Bekettiń uzaq jylǵy eńbek ótili bar ekenin atap ótti. Oblys basshysy buǵan deıin ómirde, qyzmette jınaǵan tájirıbesi jańa ákimge júktelgen mindetterdi laıyqty atqarýǵa múmkindik beretinine senim bildirdi.
Depýtattar jańa ákimniń kandıdatýrasyn qoldady.
Azamat Beket – joǵary bilimdi, Qazaq memlekettik-quqyqtyq ýnıversıtetin (quqyqtaný), Ekonomıka jáne quqyq akademıasyn (qarjy) bitirgen. Quqyq qorǵaý jáne jergilikti atqarýshy organdarynda eńbek etken.
2004-2013 j.j. QR ekonomıkalyq jáne sybaılas jemqorlyqqa qarsy kúres agenttiginde qarjy polısıasy bolyp qyzmet atqarǵan. Astana, Almaty qalalarynda, Batys Qazaqstan, Almaty oblystarynda ekonomıkalyq jáne sybaılas jemqorlyqqa qarsy kúres departamentterinde eńbek etti, dárejesi – qarjy polısıasy.
2013-2016 jyldary Batys Qazaqstan oblystyq dene shynyqtyrý jáne sport basqarmasynyń basshysy boldy.
2016 jyldyń 11 mamyrynan búginge deıin Atyraý oblystyq dene shynyqtyrý jáne sport basqarmasynyń basshysy laýazymyn atqardy.
