Semeıdegi №23 mekteptiń túlegi Ulttyq biryńǵaı testileýden bir de bir bal almaǵan. Bul týraly Altaynews jazdy.

«Oqýshylardyń kóbi testke qaraýdyń ornyna jan-jaqtan kómek kútip otyrdy. Kómek kelmegen sekildi. Áıtpese, 11 synypty bitirgen jas qyzdyń, tipti, bir suraqqa jaýap bere almaǵany múmkin emes jaǵdaı», - dedi qalalyq bilim bóliminiń basshysy Natalıa Fesenko.

Fesenkonyń aıtýynsha, túlekterge UBT barysynda syrttan keletin kómekke senip qalmaýy eskertilgen. Qala boıynsha 182 túlek joǵary oqý ornyna qajetti bal jınaı almaǵan. Alaıda tamyzda qabyldaý emtıhandaryn ótkizýge múmkindikteri bar, tek aqyly oqýǵa túse alatyn bolady.

UBT-nyń úsh kezeńiniń qorytyndysyna sáıkes, Semeıdegi abıtýrıentterdiń ortasha baly 84,7 boldy. Al elde eń joǵary 140 baldy jınaǵan túlek Almaty qalasyndaǵy №123 mektep-gımnazıasynyń túlegi.