Burynǵy Ulybrıtanıa arýy, 32 jastaǵy model Sofı Gradonnyń óli denesi tabyldy. Qyzdyń ólimi jaıly aqparat taralǵan joq, alaıda dostary Sofıdi ózin-ózi óltirdi dep boljaıdy. Qaıǵyly oqıǵadan soń brıtandyq psıholog tele juldyzdyń ómiri men 500 myńnan asa jazylýshysy bar Instagram paraqshasyn zerttep kórdi.

Brıtandyq medısına Instagram-dy adamnyń psıhıkasyna áser etetin eń soraqy áleýmettik jeli dep sanaıdy. Bul jaıly The Sun basylymy jazdy. Sofıdiń oqyrmandary kóbine úreı men kúızeliske ushyraǵandar. Olardyń tarapynan tek negatıv pikirler jıi jazylyp turady eken.

 

Gorgeous flower wall at @branchesrestaurant ??? @geehair extensions ???

A post shared by Sophie Gradon (@sophiegradon) on Jun 16, 2018 at 5:29am PDT

«Bul adamdar qashan da halyqtyń nazarynda júrgendikten, ómirlerin de sándi etip kórsetýge tyrysady. Áleýmetti jeli qarapaıym adamdarǵa da áser etkenimen, juldyzdarǵa degen áseri tipten kúshti», - dedi psıholog Ebıgeıl San.

Psıhologtyń sózinshe, áleýmettik jeliler, ásirese Instagram halyq nazarynda júrgen adamdardyń psıhıkasyn buzyp jáberetin birden bir kúsh. Sofı Gradon eldegi tanymal Love Island realıtı-shoýynyń qatysýshysy bolǵan. Alol brıtandyqtardyń kóbi tamashalaıtyn, ári qatysýshylarynyń ómirin jıi talqylaıtyn shoý eken. Sol sebepti Sofı Gradonnyń ómiri halyqtyń baǵalaýǵa, oqyrmandarynyń sanyna baılanyp qalǵan.

«Realıtı-shoýdyń juldyzdary ekran artyna jasyrynbaıdy, halyqqa bári aıan. Al Instagram adamdardyń ózin-ózi baǵalaý dárejesine áser etedi, jeke ómirin joıyp, eldiń pikiri ol úshin mańyzdy sanalatyn bolady. Juldyzdar ózderine emes halyqqa unaıtyn, halyq qyzyǵatyn fotolar salýǵa tyrysady», - dedi psıholog.

 

Second transformation video of my hair when we went curlyyyyy ? Waves for dayzzz @geehair ?

A post shared by Sophie Gradon (@sophiegradon) on Jun 9, 2018 at 10:58am PDT

Sofıdiń qazasyn polısıa tergegen joq, alaıda dostary Sofıdiń ózin-ózi óltirgenine senimdi. Onyń ústine ómirinde qarjylyq qıyndyqtar da bolypty. Alaıda onyń 494 myń oqyrmany bar Inestagram paraqshasy Sofıdiń qıyndyqqa ushyraǵan qyzdyń beınesin jaýyp, tabysty arý retinde kórsetedi.

 

Gold star. Thank you my kween ❤️ @lisssa_d #mua @dollicious_ can’t wait to get the party started tonight! Such good vibes today ??????

A post shared by Sophie Gradon (@sophiegradon) on May 19, 2018 at 11:08am PDT

«Shoýdan ketkeli jan-jaqtan jaýǵan negatıvter kóńilime qatty tıdi. Ol adamdardyń aıtyp, jazyp jatqandary shyndyq sekildi kórindi. Jelidegi mazaq ómirdegi mazaqtan da qorqynyshty. Trolder adamdy álsiz halge túsiredi», - dep jazdy birde Sofı óziniń Instagram-daǵy paraqshasyna.

Mediamix marketıńtik kompanıasynyń statısıkasyna sáıkes, 2018 jyldyń alǵashqy aptasynda-aq Instagram qoldanýshylarynyń sany 1 mlrd-qa jetti. Aı saıyn myńdaǵan adam tirkelip turady. Áleýmettik jelilerdiń ishindegi eń belsendisi de osy Instagram.