QR BǴM Ǵylym komıteti M.O.Áýezov atyndaǵy Ádebıet jáne óner Instıtýty 2018 jyldyń 4 shildesinde Qazaqstan astanasy Astananyń 20 jyldyǵyna arnalǵan «Elorda – ulttyń rýhanı jańǵyrý astanasy» taqyrybynda halyqaralyq ǵylymı-tájirıbelik konferensıa ótkizdi.

Jıynǵa ádebıettanýshy, ónertanýshy mamandar qatysyp, Qazaqstan ádebıeti men ónerindegi Astana qalasynyń obrazy, astanalyq týyndygerlerdiń shyǵarmashylyǵy týraly ǵylymı oı-tujyrymdarymen bólisti. Konferensıa moderatory, M.O.Áýezov atyndaǵy Ádebıet jáne óner ınstıtýty dırektory, QR UǴA akademıgi Ýálıhan Qalıjanov jıyndy kirispe baıandamasymen bastady. Ý.Qalıjanov baıandamasynda Astana qalasynyń jahandyq deńgeıdegi geosaıası mártebesine toqtalyp, rýhanı-estetıkalyq jańǵyrýdyń zamanaýı modeli retindegi mádenı-kórkemdik rólin aıqyndady. Jazýshy, ınstıtýttyń bas ǵylymı qyzmetkeri, fılologıa ǵylymdarynyń doktory N.Aqysh, ınstıtýttyń Teatr jáne kıno bóliminiń meńgerýshisi, ónertaný kandıdaty A.Muqan jáne M.Táshimova, A.Ahmetova, A.Kenjequlova, E.Qýatbekuly, A.Muratqyzy, A.Espenova syndy magıstr, doktoranttar ádebıet, beıneleý, teatr, kıno, keskindeme, mýzyka ónerindegi Astana beınesin sýrettegen týyndylarǵa sholý jasap, úzdik shyǵarmalarǵa ǵylymı-teorıalyq taldaýlar keltirdi.

Dúnıejúzine Qazaqstan astanasy retinde tanylǵan jas qala – Astananyń ásem kelbeti rýhanı qundylyqtardyń qaınarkózi retindegi kórkem óner týyndylarynyń jaryq kórýine negiz bolýda.