Astananyń 20 jyldyǵy qarsańynda Hromtaý aýdanynyń Dóń aýylynda jańa mektep esigin aıqara ashty. Joba quny  - 1,4 mıllıard teńge. Ashylý saltanatyna oblys ákimi Berdibek Saparbaev pen ERGmenedjerleri keńesiniń tóraǵasy Aleksandr Mashkevıch qatysty.

- Kez kelgen ult pen memlekettiń bolashaǵy eń aldymen, azamattardyń bilimdiligine, mádenı deńgeıi men densaýlyǵyna baılanysty. Táýelsizdik alǵan kúnnen bastap Prezıdentimiz Nursultan Ábishuly Qazaqstan óziniń aqyldy ári saýatty azamattarynyń arqasynda damyǵan otyz eldiń qataryna tezirek ený úshin barlyǵyn jasap jatyr. Prezıdent tapsyrmasyn oryndaı otyra  biz byltyr Aqtóbe oblysynda 14 jańa mektep ashtyq. Qazir 26 mektep salyp jatyrmyz, olardyń 13-in jyl sońyna deıin paıdalanýǵa beremiz. Dóń aýylyndaǵy mekteptiń Astananyń mereıtoıyna, sonymen qatar Dóń taý-ken baıytý kombınatynyń 80 jyldyǵyna oraı ashylýy eki ese qýantady. Óıtkeni, aýyldyń ekonomıkalyq jaǵynan belsendi halqynyń 60 paıyzy – osy kombınattyń qyzmetkerleri. Árqaısysyńyzdy osyndaı qýanyshty oqıǵalarmen quttyqtaımyn, - dedi oblys ákimi jınalǵandarǵa qarata aıtqan sózinde.

Jańa mektep 600 oqýshyǵa arnalǵan. eki oqý blogynan turatyn úsh qabatty ǵımaratta oqýshylardyń sabaq oqyp, shyǵarmashylyq qabiletterin damytý úshin barlyq jaǵdaı jasalǵan. Barlyq kabınetter ınternetpen, mýltımedıalyq jabdyqtarmen jaraqtanǵan. Kitaphana, eik sport jáne akt zaly, asqana, hımıa, bıologıa, fızıka kabıneti men eń jańa úlgide modıfıkasıalanǵan lıngafon kabıneti bar.

Aýlada fýtbol, basketbol oınaıtyn alańdar, júgiretin jol, tenıs jáne shahmat ústelderi ornatylǵan.

Mektep bilim berý normalary men qaýipsizdik talaptaryna tolyqtaı saı keledi.