Bul joly Astananyń ataýy Nursultan Nazarbaev dep aýystyrýdy tuńǵysh ǵaryshker áıel Valentına Tereshkova usyndy.

"Astanadaı tamasha qalanyń turǵyndaryn, búkil qazaqstandyqtardy osy bir aıtýly kún – qalanyń 20 jyldǵymen shyn júrekten quttyqtaımyn. Bul Nursultan Nazarbaev salǵan qala. Astana dep emes, prezıdentterińizdiń esimimen ataý kerek dep sanaımyn. Biz ol kisini qatty jaqsy kóremiz, bizdiń prezıdentimiz Vladımır Vladımırovıch Pýtın men Nursultan Ábishulynyń dostyq qarym-qatynasta bolǵanyn maqtan tutamyz. Óte qýanyshtymyz", — degen eken Tereshkova Sputnik tilshisine Memlekettik dýmanyń Astanaǵa jumys sapary kezinde.

Aıta keteıik, 2016 jyly qazaqstandyq depýtattar Qazaqstan táýelsizdiginiń  25 jyldyǵy deklarasıasynda elordany Qazaqstannyń tuńǵysh prezıdenti esimimen ataýdy usynǵan bolatyn. Astananyń ataýyn ózgertýge eki nusqa boldy: "Nursultan" nemese "Nazarbaev". Memleket basshysy bul ıdeıany qoldamady.

Bul bastama 2017 jyly qaıta kóterildi. Parlament depýtattary taǵy da Astanany Elbasynyń qurmetine ataýdy usynǵan. Alaıda ıdeıa ol joly da qoldaý tappady.

Al sol jyldyń jeltoqsanynda prezıdent kúni qarsańynda Almatydaǵy Fýrmanov kóshesine Nursultan Nazarbaevtyń esimi berildi.