Nursultan Nazarbaevqa Amerıka Qurama Shtattarynyń prezıdenti Donald Tramptan Astananyń 20 jyldyǵyna jáne týǵan kúnine oraı quttyqtaý hat kelip tústi. Bul jaıynda Qamshy.kz aqparat agenttigi Aqordanyń baspasóz qyzmetine silteme jasap habarlaıdy.
Donald Tramp Qazaqstan Prezıdentiniń atyna joldaǵan quttyqtaý hatynda bıylǵy qańtarda Aq úıde ótken kezdesý barysynda jeke dostyq qarym-qatynastyń nyǵaıǵanyna rızashylyq bildirip, eki el arasyndaǵy strategıalyq yntymaqtastyq odan ári tereńdeı túskenin atap ótti.
"Týǵan kúnińizge oraı Sizge zor densaýlyq, amandyq pen baq-bereke tileımin. Sondaı-aq, Qazaqstan halqyn Astananyń 20 jyldyq mereıtoıymen shyn júrekten quttyqtaımyn. Sizdiń basshylyǵyńyzben "EKSPO-2017" kórmesin tabysty ótkizgen Astana Qazaqstannyń qarqyndy damyp kele jatqan ortalyǵyna aınalǵanyn kórsetti jáne bolashaq urpaq úshin máńgilik mura bolyp qala bermek", - deıdi AQSH prezıdenti.
