Salyqty tólemegeni úshin árbir onynshy qazaqstandyq elden shyǵa almaı qalýy múmkin, dep habarlaıdy Qamshy.kz aqparat agenttigi Astana qalasynyń memlekettik kirister departamentiniń baspasóz qyzmetine silteme jasap. Departamenttiń málimetinshe, Astanada 70 myńnan astam azamat salyq pen aıyppul tólemeı otyr.

Astana qalasy Saryarqa aýdany boıynsha salyq tólemegen 1000  adam shetelge shyǵa almaı qalǵan.

Mamandar azamattarǵa shetelge shyqpas buryn qaryz bar, joǵyn tekserip, QR salyq zańnamasynyń buzylmaýyn qadaǵalaýǵa keńes beredi.  

Salyq tólemegenderdiń aty-jóni arnaıy bazaǵa engizilgen.

Moınyńyzda qaryz bar, joǵyn memlekettik kirister komıtetiniń resmı saıtynan www.kgd.gov.kz nemese Astana qalasy, Respýblıka alańy 52 meken-jaıynda ornalasqan Saryarqa aýdany boıynsha memlekettik kirister basqarmasynan bile alasyzdar.