Almaty qalasyndaǵy №32 kitaphanada belgili saıasattanýshy Aıdos Sarymmen kezdesý ótti. Jıyndy jas qalamyzdyń 20 jyldyq torqaly toıyna oraı Almaty qalasy İshki saıasat basqarmasynyń qoldaýymen «El-shejire» qoǵamdyq qory uıymdastyrdy.
Kezdesýde saıasattanýshy bas qalanyń qurylý kezeńi men búginge deıingi damý qarqynyna toqtalyp, ózindik erekshelikterin sóz etti. Ol«Astanany arqaǵa kóshirýdegi basty maqsat – elimizdiń tutastyǵyn, birligin saqtap, halyqty qazaqylandyrý edi. 1997 jyly Elordadaǵy qazaqtyń sany 16-17% quraǵan. Al qazir 76-78 % -dyq kórsetkishti kórsetedi. Bul árıne úlken jetistik. 20 jyl burynǵy men búgingi Astanany salystyrý tipten múmkin emes. Qazir alyp qalaǵa aınalyp, beıbitshilik, yntymaqtastyq jáne kelisim ordasy retinde ornyqty. Elimizdiń maqtanyshy, kóz qýanyshy. Búkil halyq abyroıynyń asqaq kórinisi. Jas qalaǵa dúnıejúzi halyqtarynyń kópshiligi týrısik, dıplomatıalyq saparmen qonaqqa kelip, áleýmettik-ekonomıkalyq turǵydan damyp kele jatyr» -dedi.
Sondaı-aq, Elordanyń etnıkalyq kelbetiniń qyr-syry, álem elderiniń tarıhynda shapshań jyldamdyqpen qaryshtaǵan eńseli shaharǵa aınalǵanyna erekshe toqtaldy. Buǵan qosa, Elorda Alataýdan Arqaǵa kóshirilip, soltústikti qazaqylandyrý búgingi ýaqytta óz nátıjesin bere alǵandyǵyn áńgimege arqaý etti.
«Astanany kóshirý týraly sheshim shyqqanda kóptegen pikirtalas oryn aldy. Qoldaýshylar da, qarsy shyqqandar da boldy. Al búginde júıeli jumys pen joǵary nátıjeniń arqasynda kóptiń kóńili ornyna tústi. Biz osy kúnimizge shúkir aıta bilýimiz kerek. Óıtkeni, bizdiń deńgeıimizge jete almaı jatqan, beıbit eldi ańsaıtyn elder qanshama. Nebári az ýaqyt ishinde adam tanymastaı ózgergen Astanadan aldaǵy ýaqytta da kúterimiz kóp. Endi aldaǵy 10 jyl qazaq úshin taǵdyrly, sheshýshi, óziniń jańa bolmysyn anyqtaıtyn jyldar bolmaq. Onyń ishinde halyq sanynyń ósimin kúsheıtý, qalalardy qazaqylandyrý, rýhanı, saıası ahýaldy bekitýdi odan ári kúsheıtý kerek»- dep sózin naqtylady.
İs-sharaǵa qatysýshylar Aıdos Sarymǵa kókeılerindegi saýaldaryn qoıdy. Sonymen qatar, elimizdiń ary qaraıda egemendigi saqtalyp, bosaǵamyzdyń berik bolǵandyǵyn qalaıtyndaryn jetkizdi. Saıasattanýshy da urpaq sabaqtastyǵy jalǵasyp, bilimdi, sanaly jastardyń qatary kóbeıip kele jatqanyna qýanatynyn aıtyp, kezdesýdi qorytyndylady.
