Álıa Ǵalymova Batys Qazaqstan oblysynyń azamattyq qoǵam ókilderimen kezdesý ótkizdi

​Azamattyq sektor Qazaqstandaǵy otbasylyq jáne genderlik saıasatty júzege asyrýdaǵy negizgi seriktes bolyp tabylady.

​Bul týraly QR Qoǵamdyq damý mınıstrliginiń Azamattyq qoǵam komıtetiniń tóraıymy Álıa Ǵalymova Oral qalasynda ótken «Memlekettik organdar men ÚEU-lardyń genderlik saıasatty júzege asyrýdaǵy ózara is-qımyly. Aımaqaralyq yntymaqtastyq tájirıbesi» atty halyqaralyq konferensıada málimdedi.

​Konferensıada qoǵamdy damytýda áıelderdiń róli, memlekettik organdardyń jáne úkimettik emes uıymdardyń qoǵamdyq sanany jańǵyrtý kontekstinde otbasylyq jáne genderlik saıasat tujyrymdamasyn iske asyrýdaǵy ózara is-qımyly talqylandy.

​Konferensıaǵa Qazaqstan Respýblıkasy Parlamenti Májilisiniń jáne Batys Qazaqstan oblystyq máslıhatynyń depýtattary, ortalyq memlekettik organdardyń, úkimettik emes uıymdardyń, bıznes-qurylymdardyń ókilderi, Reseı Federasıasynyń Orynbor, Saratov, Samara, Volgograd jáne Astrahan oblystarynyń delegasıalary qatysty.

​Álıa Ǵalymova óz sózinde azamattyq qoǵam genderlik jáne otbasylyq salasyndaǵy memlekettik saıasatty júzege asyrýdaǵy negizgi seriktes ekenin atap ótti.

​«2017 jylǵy málimetterge sáıkes, azamattyq qoǵam men memlekettiń ınstıtýttary arasyndaǵy qatynastardy oń baǵalaıtyn halyqtyń úlesi 61,3% -dy qurady. Áleýmettik zertteýlerdiń nátıjeleri memleket pen azamattyq sektor arasyndaǵy seritestik deńgeıi joǵary ekenin kórsetedi. Azamattyq qoǵamnyń belsendi ınstıtýttarynyń biri úkimettik emes uıymdar bolyp tabylady. Qazirgi ýaqytta Qazaqstannyń 14315 ÚEU-ynyń 500-den astamy áıelder ÚEU bolyp tabylady», - dedi Á.Ǵalymova,

Spıkerdiń aıtýy boıynsha aýyldyq jerlerde áıel kóshbasshylyǵyn damytatyn bıznes-oqytýlar, qaıta daıarlaý kýrstarynyń jetispeýshililigi baıqalyp otyr. Sondaı-aq, spıker genderlik saıasat salasy men turmystyq zombylyqtyń aldyn-alýǵa baǵyttalǵan áleýmettik jobalarlardyń sany azaıǵanyn atap ótti.

Mysaly, eger sońǵy 3 jylda kórsetkish jalpy jobalar sanynyń 5% yn qurasa, (barlyǵy 302 joba: 2015 j. – 90, 2016 j. – 88, 2017 j. -124), ótken jyly ol 3,9% qurady (90 joba).

Spıker áıel adamdardy ilgeriletýdiń ınstıtýsıonaldyq mehanızmderimen birge genderdik teńdikke qatysty tájirıbege zertteý jumystaryn engizýdi usyndy. Onyń oıynsha, atalǵan ınstıtýttar genderlik teńdik pen balalar men áıelderge qatysty turmystyq zorlyqty joıý máselelerin damytý boıynsha naqty mehanızmderdi engizý qajet.

A.Galımova ÚEU áleýetin uzaq merzimdi jobalarǵa tartýdyń, , onyń ishinde erte júktiliktiń aldyn alý, aýldyq jerdegi áıelderdi qoldaý, turmystyq salada áıelderge qatysty quqyq buzýshylyqtardy bolǵyzbaý sekildi gender salasyndaǵy mańyzdy jobalardy keńeıtýdiń mańyzdylyǵyna da toqtaldy.

Sonymen qatar, Azamattyq qoǵam  komıtetiniń tóraıymy Álıa Ǵalymova Batys Qazaqstan oblysyna jumys sapary barysynda óńirlik úkimettik emes uıymdardyń ókilderimen kezdesti. Kezdesý barysynda memlekettik organdar men ÚEU ózara is-qımyly salasyndaǵy ózekti máseleler talqylandy. Onyń ishinde, oblystaǵy úkimettik emes uıymdardyń materıaldyq-tehnıkalyq qamtylýy jáne oblysta áleýmettik kásipkerlikti damytý máselesi qozǵaldy.

​Sondaı-aq, sapar barysynda A.Ǵalymova «Rýhanı jańǵyrý» óńirlik jobalyq keńsesinde bolyp, iske asyrylǵan jáne josparlanǵan jobalarmen tanysty.