«Aqkent» turǵyn úı kesheni janynda aǵashtyń túbinen aýyr haldegi 5 jastaǵy bala tabyldy, dep habarlaıdy Qamshy.kz aqparat agenttigi. Ony kólik qaǵyp ketken. Kólik júrgizýshisi Dinmuhammed esimdi balany aýrýhanaǵa aparýdyń ornyna kir tósenishke orap  aǵashtyń túbine tastap ketken.

Adamdar balany baıqap qalyp dereý jedel járdemdi shaqyrdy. Dinmuhammed qazir jan saqtaý bóliminde jatyr. Depýtat Qaırat Qudaıbergen óziniń Facebook paraqshasynda polısıa balany kim qaqqqanyn anyqtaǵanyn jazdy.

«Polısıa qylmyskerdiń kim ekenin anyqtady. Ony ustaý 1, 2 kúnniń enshisindegi is. «Nur Otan» partıasynyń depýtaty jáne adam retinde balanyń jaǵdaıyn bilý úshin aýrýhanaǵa baramyn.  «TRANSFORMATOR QAZAQSTAN» klýbynyń músheleri, kásipkerler Dinmuhammedtiń emine ketetin barlyq shyǵyndy óz moıyndaryna aldy. Qylmyskerdiń oıynda ne bolǵanyn bilmeımin, biraq adam ıtti de tastamaıdy. Jaza zań júzinde óte qatal bolady!» dep jazdy depýtat.