Qamshy.kz aqparat agenttigiBúgin Jarkenttegi Panfılov aýdandyq sotynda otbasymen qaýyshý úshin Qytaı men Qazaqstan shekarasyn zańsyz kesip ótken Saıragúl Saýytbaıdyń soty boldy. Prokýratýra men aıyptaýshy tarap ýaqyt suraǵandyqtan sot 2018 jyldyń 1 tamyzyna shegerildi, dep habarlaıdy Qamshy.kz aqparat agenttiginiń tilshisi.

Sot otyrysyna eldiń ár óńirinen jýrnalıser men qoǵam belsendilerinen 100-ge jýyq adam jınaldy.

Saıragúl Saýytbaıdyń advokaty Abzal Quspan sottyń keıinge shegerilýinen kúdiktenýdiń qajeti joq deıdi. Sot prosesinde bul qalypty jaǵdaı eken.

Buǵan deıin Saıragúl Saýytbaıdyń soty eki márte ótkizildi. 9 shilde kúni ótken alǵashqy sot otyrysy sottyń orys tilinde ótkizilýine baılanysty keıinge qaldyrylǵan. Onda sottyń qazaq tilinde ótýi suraldy. Nátıjesinde talap qanaǵattandyrylyp, 13 shildede kezekti sot otyrysy uıymdastyryldy. Aıyptalýshy Saıragúl Saýytbaı Qytaıda ózin ólim jazasy kútip turǵanyn, Qazaqstanda kez-kelgen jazaǵa daıyn ekendigin aıtty.