Shildeniń 14-i kúni Almatyda osy jylǵy alǵash ret túngi velosherý ótedi.
«Sporttyq Almaty» baǵdarlamasy aıasynda ótetin velosherýdiń qashyqtyǵy 7 shaqyrymdy quraıdy. Kez kelgen qala qonaqtary men turǵyndary «Nurly Taý» bıznes ortalyǵyna keshki 20:00-de jınalýy tıis. Sporttyq shara 20:30-da bastalady.
Áýesqoı veloshabandozdar Ál-Farabı dańǵylymen kóterilip, Tuńǵysh Prezıdent saıabaǵynda márege jetedi. Márede qatysýshylardyń arasynda baǵaly syılyqtar oınatylady. Basty syılyq - velosıped.
Qatysýshylarǵa arnaıy bas kıimsiz (shlemsiz) qatysýǵa tyıym salynady.
Aıta keter jaıt, bul velosherý «Sporttyq Almaty» qalalyq baǵdarlamasynyń qoldaýymen 2018 jyly josparlanǵan 21 sharanyń onynshysy sanalady.
