Jambyl oblysynda júk vagondary relsten shyǵyp ketti, - dep habarlaıdy Tengrinews.kz.

Ulttyq kompanıadaǵylardyń aıtýynsha, oqıǵa 31 shildede saǵat 08.05-te bolǵan, júk poıyzy Moıynty - Shyǵanaq Qashqanteńiz - Jastar aralyǵyndaǵy aýmaqta júrip bara jatypty. Sol kezde júk vagondary joldan shyǵyp ketken.

Júk vagondarynyń joldan shyǵyp ketýine baılanysty jolaýshylardyń bes poıyzy ýaqytynan keshiktirildi. 

Astana - Saryaǵash jolaýshylar poıyzy óz baǵyty boıynsha júre almaı tur. Jolserikterdiń málimetteri boıynsha, vagondardyń joldan shyǵyp ketýiniń saldaryn joıý úshin shamamen bes saǵat kútý kerek.

"Aldyn ala málimet boıynsha, vagondardyń relsten shyǵyp ketýine 28-vagon qaptalyndaǵy ramanyń synaýy sebep bolǵan, ıesi - "ISTKOMTRANS" JSHS. Shý jáne Saryshaǵan stansıalarynyń qalpyna keltirý poıyzdary iske kiristi. Bes jolaýshylar poıyzy keshiktirildi. Joldy ashý ýaqyty shamamen 18.00. Zardap shekkender joq", - dedi baspasóz qyzmetindegiler.

Kompanıa ókilderiniń aıtýynsha, apattan kelgen shyǵyndy júk vagondarynyń ıesi óteıdi. "Ulttyq kompanıada bul oqıǵany tergeý boıynsha arnaıy komısıa quryldy", - dedi baspasóz qyzmetiniń mamandary.