Óskemen qalasyna jaqyn arada jańa basshy taǵaıyndalady. Bul jóninde búgin keńeıtilgen ákimdik májilisinde oblys ákimi Danıal Ahmetov málimdedi, dep habarlaıdy Qamshy.kz aqparat agenttigi altaynews.kz saıtyna silteme jasap.

– Sizderdiń aldaryńyzda ashyq aıtqym kelgen taǵy bir jaıt, ol bıylǵy sáýirde Rıdder qalasynda sheneýnikterdiń qatysýymen oryn alǵan jol-kólik oqıǵasyna qatysty másele. Bul oqıǵa osy ýaqytqa deıin qoǵamda jıi talqylanyp, BAQ-ta jetkilikti jazyldy. Oqıǵaǵa kináli Rıdder qalasy ákiminiń orynbasary Baýyrjan Qurmanbaev tıisti jazasyn alyp, sottaldy. Sonymen qatar, Rıdder qalalyq ishki ister basqarmasynyń birqatar basshylyq qyzmettegi jáne qatardaǵy polıseıleri de qyzmetterimen qosh aıtysty. Oqıǵaǵa qatysy bar sheneýnikterdiń isi Ádep keńesinde qaraldy. Sondyqtan osynyń bárin tarazylaı kele, men Óskemen qalasynyń ákimi Qýat Tumabaevqa osyndaı jaǵdaıdan keıin joǵary basshylyq qyzmette qala almaıtyndyǵyn, oǵan moraldyq quqyǵy joqtyǵyn, óz erkimen jumystan ketý týraly aryz jazýy kerektigin aıttym. Sondyqtan, aldaǵy ýaqytta oblys ortalyǵy – Óskemen qalasynda jańa ákim taǵaıyndalatyn bolady, – dedi Danıal Ahmetov.

Eske salsaq, Rıdderde 19 jastaǵy Evgenıı Smolnıkovty kólikpen qaǵyp óltirgen Rıdder qalasy ákiminiń orynbasary Baýyrjan Qurmanǵalıevtiń qasynda Qýat Tumabaev otyrǵan. Ol kýáger bolsa da, halyq aldynda oqıǵadan keıin abyroıy tómendep, oǵan qatysty syn aıtýshylar kóbeıip ketken bolatyn.