Pavlodar oblysy mádenıet basqarmasynyń basshysy Ardaq Raıymbekov otyrǵan kólik 26 tamyzdan 27-sine qaraǵan túni Omsk-Maıqapshaǵaı tas jolynda júk kóligimen soqtyǵysty. Saldarynan Raıymbekov áıeli jáne úsh jasar balasymen qosa qaıtys boldy. Ári kólikte otyrǵan 53 jastaǵy áıel adam da ómirden ozdy.
Pavlodar oblysy İİD habarlaýynsha, BMW jeńil avto kóliginiń tizgininde Ardaq Raıymbekovtiń ózi bolǵan.
Derekkózge súıensek, jol kólik oqıǵasy orynynan túrli jaraqattarmen 57 jastaǵy er adam men 27 jastaǵy áıel adam emhanaǵa jetkizildi.
Al HOWO júk kóliginiń júrgizýshisi ustaldy, qazir ýaqytsha tergeý ızolátorynda.
Qazirgi ýaqytta «Eki nemese odan da kóp adamdardyń ólýine sebepshi bolatyn jol apatyn týdyrý» babyna sáıkes qylmystyq is qozǵaldy.
Jol apatyna sebepshi júrgizýshi 10 jylǵa deıin bas bostandyǵynan aıyrylýy múmkin.
Pavlodar oblysy mádenıet, arhıvter jáne qujattama basqarmasynyń basshysy Ardaq Raıybekov nebári 37 jasta bolǵan. Oblys ákimniń baspasóz qyzmeti Ardaq Raıymbektiń demalysta bolǵanyn jetkizdi. Jedel-járdem qyzmetiniń málimdeýinshe, shaqyrý túngi 00:14-te kelip túsken.
