Jakartada ótip jatqan Azıa oıyndarynda Rıo Olımpıadasynyń kúmis júldegeri Eldos Smetovty jarystan keıin aýrýhanaǵa alyp ketti, dep jazady Qamshy.kz aqparat agenttigi QazAqparat saıtyna silteme jasap.
QR Ulttyq olımpıadalyq komıtetiniń baspasóz qyzmetiniń habarlaýynsha, dzúdodan Qazaqstan komandasynyń kóshbasshysy Eldos Smetov Jakartada aýrýhanaǵa jetkizildi. Birinshi aınalymda qarsylasyn aıqyn basymdyqpen jeńgen Eldos ekinshi kezdesýde Soltústik Koreıa balýanynan eskertý sanymen utylǵan bolatyn. Osy jekpe-jekten soń Eldos Smetovti aýrýhanaǵa alyp ketti.
«Jańa ǵana Eldosty jedel járdemmen aýrýhanaǵa alyp ketti. Rentgennen ótkizedi. Ekinshi beldesý kezinde jaraqat alǵan. Oń jaq qabyrǵasy syndy degen boljam bar», - deıdi dzúdodan Qazaqstan komandasynyń dárigeri Natalá Kýdasheva.
Aıta ketelik, Eldos Smetov jubanysh beldesýine de shyqqan joq.
