Qazaqstandyq aýyr atlet Ilá Ilın dızkvalıfıkasıanyń ýaqyty aıaqtalysymen ulttyq chempıonatta jeńiske jetip, otandastaryna arnap vıdeo úndeý jarıalady.
Qazaqstandyq chempıon eki jylda ózin qoldap, sengenderge erekshe alǵysyn bildirdi.
«Bárińizge sálem! Mine, kópten kútken altynym. Búgin ol mendik boldy, jeńip aldym. Meni qoldap-qolpashtap júrgen dostaryma alǵys aıtqym keledi», - dedi ol.
Atlettiń bul jeńisi sońǵy emes.
«Búgin men úshin alǵashqy start boldy, men oraldym. Endi kóbirek jattyǵyp, álem chempıonatyn baǵyndyrsam deımin. Maqsatym – olımpıada oıyndar», - dep josparymen de bólisti.
Ilá Ilınniń aıtýynsha, sporttan shekteý ýaqytynan keıingi alǵashqy jeńisi ózin qoldaǵan dostary men jaqyndaryna ortaq.
«Bul bizdiń ortaq medalimiz», - dep sózin qorytyndylady Ilın.
Aıta keteıik, úsh jyldyq úzilisten keıin úlken sportqa qaıta oralǵan dańqty aýyratlet Ilá Ilın Qazaqstan birinshiligin jeńip aldy.
Taldyqorǵanda ótip jatqan el chempıonatynda Ilın 102 keli salmaq dárejesinde óner kórsetken bolatyn. Ol qos jattyǵýdyń nátıjesinde 380 kelini (172+208) baǵyndyryp, jarys jeńimpazy atandy.
