WBC, WBA (Super) jáne IBO chempıony Gennadıı Golovkınniń (38-0-1, 34 KO) promoýteri Tom Leffler áriptesi Oskar De La Hoııanyń «qazaqstandyq boksshy meksıkalyq Saýl "Kanelo" Alvarespen (49-1-2, 34 KO) qarymta jekpe-jek aldynda ulttyq gımndi oryndaýdan bas tartty» degen sózine jaýabyn berdi. Bul týraly vesti.kz jazdy.

De La Hoııanyń sózinshe, mundaı usynysty Golovkınniń komandasy aıtqan. Osylaısha, ol qazaqstandyqtyń otansúıgishtigine kúmán keltiredi 

«Golovkınniń adamdary jekpe-jek aldynda Qazaqstan, Meksıka men AQSH gımnderiniń oryndalǵanyn qalamaı tur. Taǵy qandaı talap qoıady? Qudaıym-aý, endi jekpe-jekti de ótkizbeıtin shyǵarmyz? Jáı ǵana bar da, judyryqtassańshy!" - degen edi De La Hoıa.

Al Leffler áriptesiniń sózin jalǵan deıdi.

"Oskardyń aıtqanyn alǵash estip otyrmyn, bul jalǵan», - dep keltiredi Lefflerdiń sózin boxing247.com.

«Al shynyna kelgende Golovkınniń komandasy Qazaqstan, Meksıka jáne AQSH-tyń gımnderi PPV tarnslásıalar bastalmaı turyp oryndalýyn suraǵan. Bul jekpe-jekterdiń kidirissiz ótkizilýine múmkindik beredi. HBO arnasy bul oıdy qoldap, gımnder únemi translásıa bastalmaı turyp oryndalýyn qalaıdy. Al Gennadıı óz eli Qazaqstannyń, Meksıka men turyp jatqan AQSH gımnderine qurmeti joq deý artyq, jalǵan ekeni anyq. Oskar jáne "Kanelo" Gennadııge taǵy bir keshirim qaryz boldy. Bul Gennadıı "Kanelo" tarapyna nelikten senbeıtinin taǵy da ashyp kórsetip tur», - dep sózin qorytyndylady Leffler.