Áleýmettik jelide 2017 jylǵy kókparda qyrǵyzdardyń qazaqtardan qalaı jeńilgeni týraly vıdeo tarap, qyzý talqyǵa túsip jatyr. Atalǵan vıdeonyń túpnusqasy Youtube jelisinde 2017 jyly 17 qyrkúıekte jarıalanypty. Degenmen qyrǵyzdar bıyl Qyrǵyzstanda ótken Dúnıejúzilik kóshpendiler oıyny kezinde qazaqtardyń ózbekten maqsatty túrde ese jiberip jeńilýin osy vıdeo arqyly túsindirýde. Atalmysh vıdeodan qazaq kókparshylarynyń qyrǵyzdardy qalaı qamshymen urǵanyn kórýge bolady.  Qazaqtyń tanymal kókparshysy Juldyzhan Taıyrbekovtiń "Qamshyǵa" bergen suhbatynda osy áńgimeniń shet jaǵasyn bylaısha tarqatqan bolatyn: "Qazaqtar ózbekten ne sebepti jeńilgenin aıtaıyn. Meniń basymdy kesse kesip alsyn, qazaqtar qyrǵyzǵa shyqpaýdyń amalyn jasaý úshin ózbekten jeńildi. Al qyrǵyzben fınalda oınaǵan kezde 30-0 esebimen, jer bolyp jeńiletin edi. Sol úshin ózbekterge ese jiberdi. Al qyrǵyzdar byltyr jeńiliske ushyraǵannan keıin bıyl myqty ekendigin dáleldeý úshin «osy qazaq kelip qazaq shyqsa, olarǵa biz kókpardyń ne ekenin kórsetemiz», - dep bizdi kútken bolatyn". Endi bir sózinde shyndyqty jar salýǵa qoryqpaǵan qazaq kókparshysy bylaı deıdi: "Qyrǵyzdyń shyryldaıtyny,  ashýlanatynyndaı jóni bar. Kókpardy qazaq bola ma, ózbek bola ma ne qyrǵyz bola ma, báribir musylman bolǵan soń birge damytýymyz kerek. Kókpardy kápirler emes, musylmandar shabady. Bizdiń ulttyq qundylyǵymyzǵa aınalǵan kókpardy joǵary deńgeıge jetkizemiz, álemdik Olımpıada oıyndarynyń qataryna qosamyz dep júrgen kezde qyrǵyzǵa barsa, qyrǵyz, qazaqqa barsa, qazaq jeńip jatqany múldem durys dúnıe emes". Qyzý talqy týdyrǵan vıdeonyń sońynda 2017 jyly Qazaqstanda ótken kókpar oıyny týraly óleń jazylǵan. Bul óleńdi Qamshy.kz aqparat agenttigi qazaq tiline aýdaryp, oqyrman nazaryna usynady. 

Pir tutyp er Sypataı batyrdy,

Kókpar desip dúnıe júzin shaqyrdy.

Qazaq týǵan qonaq tosyp eline,

Aıly túnde uıqysyz tań atyrdy

Qazaq eli shekaradan ary jatkandy,

Dúnıe eli bizde desip maqtandy.

Al biz jaqtan kók bórisi qyrǵyzdyń,

Anyq kókjal jigitteri attandy.

Árbir tarap ózdiginshe jar salad(y).

Óz abyroıyn namyspenen qalqalap.

Qazaǵym da, qyrǵyzym da jemisti,

Kele jatty eki jaqty talqandap.

Fınal boldy, qazaq-qyrǵyz bettesti,

Ne sebepten qyrǵyzdarǵa kektesti.

Qazaqtarym abyroıyn túsirip.

Sonshalyqty deńgeıge túspeý kerek edi

Ketti attyń kóz jasy da tamshylap,

İshim kúıip, et júregim janshylad(y).

Utylaryn anyq sezdi qazaǵym,

Bastady olar qyrǵyzdardy qamshylap.

Keıin olar birinshi oryn alysty,

Óıtúp-búıtip tórt mýlájdy salysty.

Eske almaı aqıqatty ózderin,

Jerdegi joq batyr sezip qalysty.

Berdi qyrǵyz bul oıynda kezekti,

Kóshpendilerde haıýan terdi tezekti.

Já, baýyrym, umyttyń ba álginde,

On bes pen úshke teńep qoıǵan esepti.

Bizge jetedi Er Manastyń batasy,

Sheship qoıdy bul olardyń qatesi.

Biz ǵana emes, búkil dúnıe aıtýda,

Qyrǵyzdar dep kók bóriniń atasy.