QR Ulttyq kitaphanasynda memlekettik tildi damytýǵa arnalǵan «Til – tatýlyq tiregi» atty baıqaý ótti dep habarlaıdy Qamshy.kz aqparat agenttigi.  

Baıqaýda Almaty qalasyndaǵy etno-mádenı birlestikterdiń músheleri – orys, uıǵyr, kúrd, ózbek, aýǵan, túrik, nemis jáne t.b. ult ókilderi qazaq tilinde baq synady. Qatysýshylar úsh týr boıy básekege tústi. Birinshi týrda olar bıyl týǵanyna 125 jas tolyp otyrǵan aqyn Maǵjan Jumabaevtyń ólenderin jatqa oqydy. Ekinshi týrda «Ulttardy uıystyrǵan qazaq halqy» atty esselerin jurtshylyqqa tanystyrdy. Úshinshi týrda qazaqsha án aıtyp, bı bılep, qoıylym kórsetti.

Ahmet Baıtursynov atyndaǵy Til bilimi ınstıtýtynyń dırektory, fılologıa ǵylymdarynyń doktory, profesor Erden Qajybek bastaǵan qazylar alqasynyń sheshiminen keıin 1-oryn Ulttyq Ulannyń jas jaýyngeri Aleksandr Mamykınke buıyrdy. Oǵan noýtbýk tabys etildi. Qazaq qyzdar memlekettik pedagogıkalyq ýnıversıtetiniń stýdenti Ferýza Sultanmuratova 2-oryn alyp, planshet ıelendi. 3-oryndy 10-synyp oqýshysy Rýsalına Asıeva alyp, fotoaparatty qanjyǵasyna baılady.

Qalǵan qatysýshylar da qur qol qalmady, olar alǵys hatpen jáne baǵaly syılyqtarmen marapattaldy.  İs-shara aıasynda qaladaǵy etno-mádenı birlestikter ulttyq etnostyq kórmeler uıymdastyrady.
Saltanatty keshke Qazaqstan halqy assambleıasy músheleri, ulttyq ıntelegensıa ókilderi, jýrnalıster, stýdentter men oqýshylar qatysty.

Aıta keteıik, baıqaýdy Almaty qalasy İshki saıasat basqarmasynyń qoldaýymen «Adyrna» ulttyq-etnografıa birlestigi uıymdastyrdy.