Meksıkalyq Saýl Alvares qazaqstandyq boksshy Gennadıı Golovkınmen tıtýldy jekpe-jekte jeńiske jetkenine qaramastan IBO tujyrymy boıynsha álem chempıony belbeýin ala almaıdy. Bul týraly Halyqaralyq boks uıymynyń prezıdenti Ed Lıvaın málimdedi.

«Alvares shynymen de IBO tujyrymynyń belbeýin almaıdy. Biz onymen kelisimge kele almadyq. Bos belbeý eki úmitkerdiń arasynda báske tigiledi. Onyń ishinde bul dıvızıondaǵy reıtıńte birinshi oryndy ıelenetin Golovkın de bolýy múmkin», — dedi Lıvaın.

Golovkın IBO tıtýlyn 2011 jyly 9 jeltoqsanda amerıkalyq Lahýan Saımonmen ótken jekpe-jekte jeńip alǵan. Ol kezde Golovkın qarsylasyn birinshi raýndta-aq nokaýtqa jibergen edi.

Aıta keteıik, 28 jastaǵy meksıkalyq «Kanelo» Alvares 36 jastaǵy qazaqstandyq Gennadıı Golovkındi jeńdi. GGG kásipqoı boksta ómirinde alǵash ret jeńildi. Osylaısha Golovkınniń tıtýldarynyń bárin «Kanelo» aldy. Gennadıı Golovkın osyǵan deıin 39 jekpe-jek ótkizip bireýinde ǵana teń túsken bolatyn. Al  Saýl Alvares bolsa 52 kezdesýiniń ekeýinde teń túsip, Flod Meıvezerge ese jibergen