«QAZSPORT» telearnasy sporttyq sharalardyń komentatorlaryn qabyldaıdy. Bul 5 jyl ishindegi 9-shy kastıng. Sońǵy kastıng irikteýde 400-den asa úmitker  baqtaryn synady. Ózderin  jaqsy qyrynan kórsetken úmitkerler búginde arnamyzda komentator bolyp jumys isteýde. Olardyń arasynda Lılıana Áljanova, Erbol Qaıyrov, Erik Ersin, Dıdar Qadyrov, Dmıtrıı Nesterenko syndy esimder bar.  

Kastıngtiń maqsaty - arnadaǵy qazaq jáne orys tilinde jumys isteıtin komentatorlar quramyn jańa esimdermen tolyqtyrý. Kastıngke 22 jastan joǵary QR azamaty qatysa alady. Kastıng mynadaı sport túrlerinen ótedi: a)jeke sport túrleri men velosport, basketbol, voleıbol, regbı, hokeı, jekpe-jek, ulttyq sport túrleri; b)mánerlep syrǵanaý, kórkem gımnastıka, júzý sıaqty sport túrleri boıynsha komentator–qyzdar men barlyq sport túrin jetik meńgergen komentatorlar.  

Úmitkerler túıindemelerin kazsporttv.kz@mail.ru elektrondy poshtasyna jiberýleri kerek. Rezúmeler 2018 jyldyń 8 qazan kúni saǵat 20:00 ge deıin jeke tulǵaǵa tirkelgen elektrondy poshtalardan ǵana qabyldanady. Túıindemeler óńdeýden ótip, arnaıy baza qurylady. Qarastyrylǵan túıindemelerden úmitkerler tizimi anyqtalyp, elektrondy poshtaǵa nemese qońyraý soǵý arqyly kastıngke qatysýǵa shaqyrtý jiberiledi. Úmitkerlerdiń ózderimen birge jeke kýáligi bolýy shart. Kastıng 2018 jyly 13-14 qazan aralyǵynda Astana qalasy, Máskeý kóshesi, 33A úıinde ornalasqan «QAZSPORT» telearnasynyń ǵımaratynda ótedi.